Dagiti Pakaammo

◼ Literatura a tukon iti Abril ken Mayo: Makatawen a suskripsion iti Ti Pagwanawanan iti ₱80.00. Hunio: Life​—How Does It Get Here? By Evolution or by Creation?, dakkel nga edision iti ₱60.00, bassit nga edision iti ₱30.00. Hulio: Ti Katan-okan a Tao a Nagbiag Pay Laeng iti ₱60.00. NOTA: Dagiti kongregasion a saan pay laeng a nagpedido kadagitoy nadakamat iti ngato a maikampania a pagbasaan ti masapul a mangaramiden iti sumaruno a binulan a Literature Request Form (S-14).

◼ Dagiti pedido ti mabalinen a maipatulod a maipaay iti tomo ti 1992 a Watchtower ken Awake! Dagiti maipatulod a pedido ti masingir iti kuenta ti kongregasion ken mamarkaan iti “later” idiay invoice no dagiti tomo ket saan pay a simmangpet manipud New York. Ipatulodmi dagiti pedidoyo apaman a sumangpet dagiti tomo. No maawaten dagitoy babaen dagiti kakabsat a nagpedido kadakuada, ti bayad a ₱120 iti kada tomo ti maipatulod iti Sosiedad a maikuyog idiay sumaruno a remittance.

◼ Maysa a surat manipud ti Sosiedad a napetsaan iti Pebrero 20, 1992 a naiturong kadagiti amin a kongregasion ti nangiyanunsio iti 1993 Convention Fund a pangtulong kadagiti misionero a bumisita kadagiti pagilianda ken tumabuno ti maysa kadagiti kombension iti distrito bayat ti tawen. Ti Marso isut’ kaudian a bulan a mangipatulod iti kontribusion ditoy Sosiedad nga agpaay ti 1993 Convention Fund. Ti nabuslon a suportaryo iti daytoy nga urnos ti maipateg unay.

◼ Maaramid koma ti napinget a regta a sumarungkar kadagiti timmabuno ti Memorial idi Abril 6 tapno padasen nga ipasdek iti panagadal ti Biblia. Tulongan ida a kumita iti kasapulan a tumabuno a regular kadagiti gimong, a saan laeng a maminsan ti makatawen.

◼ Baro a Publikasion a Maalan:

1985 Watchtower Volume Reprints (₱120.00)​—Ingles