Gimong ti Serbisio iti Agosto
Lawas ti Agosto 9-15
10 min: Lokal nga anunsio ken maitutop manipud Dagiti Pakaammo iti Ti Ministeriotayo iti Pagarian.
15 min: “Panangiladawan Kadagiti Broshur a Pangsarak Kadagiti Interesado.” Saludsod ken sungbat a panangkobre. Dagiti broshur a nadakamat iti parapo 5 isuda dagitoy: Rumbeng Aya a Patienyo ti Trinidad, Pudno Aya a Maseknan ti Dios Kadatayo?, ken Ti Gobierno a Mangiyegto iti Paraiso. Pakaammuan ti kongregasion maipapan iti maala a broshur manipud ti pagidulinan. Sirarayray a paregtaen dagiti kakabsat a maaddaan ti naan-anay a paset iti panangitukon ti broshur iti Agosto.
20 min: “Sieepektibo a Panangusar Kadagiti Broshur iti Agosto.” Malawagan dagiti puntos a kadua ti kongregasion, ken idemostra dagiti panangiparang idiay parapo 3, 5 ken 7. Maiparegta ti naimbag a panagsagana.
Kanta 30 ken pangserra a kararag.
Lawas ti Agosto 16-22
10 min: Lokal nga anunsio. Basaen ti report iti kuenta ken aniaman a subalit dagiti donasion. Palagipan ti kongregasion iti urnos a maipaay ti serbisio, ken mausig dagiti nagduduma a mapagsasaritaan a puntos manipud kadagiti magasina.
20 min: “Panagsubli a Mangpabara ti Interes iti Biblia.” Kalpasan ti ababa nga introduksion, idemostra ti panagsubli iti maysa a tao a nangipakita ti interes ngem saan nga immawat iti literatura. Kasta met, idemostra no kasano a masarungkaran ti maysa a tao a kupado unay a makisao ngem immawat iti tract a Sino a Talaga ti Agturay ti Lubong? Iti kada kaso, ipakita no kasano a kada agibumbunannag ket iruanganna ti saritaan ken pabaraenna iti interes.
15 min: “Idiay Balay ni Jehova Mapantayo.” Saludsod ken sungbat a panangwanas iti parapo 1-8 ti insert. Irepaso iti ababa ti lawag dagiti publikasion a nadakamat iti parapo 7. Paidemostra iti makabael nga agibumbunannag no kasano a tulongan ti agdadamo a tao a mangawat no apay a naorganisartayo kadagiti kongregasion. (w84 11/1 p. 15 par. 6, 7; p85 5/1 p. 16 iti Iloko) Malawagan dagiti benneg ti gimgimongtayo no maidilig iti relihioso a serbisio ti Kakristianuan. Paregtaen dagidiay mangidadaulo iti panagadal ti Biblia nga iramanda daytoy iti kada lawas nga ababa a diskusion a nadisenio a tumulong iti estudiante a mapatanor ti dakdakkel a panangipategna iti organisasion ken ti kasapulan a panagbalin a paset daytoy.
Kanta 191 ken pangserra a kararag.
Lawas ti Agosto 23-29
10 min: Lokal nga anunsio. Teokratiko a Damdamag.
15 min: “Maaramidyo Kadi Dayta?” Mausig a kadua dagiti dumdumngeg. Interbio iti maysa wenno dua a regular payunir wenno maysa wenno dua nga agibumbunannag a nagserbi nga auxiliary payunir iti tiempo-tiempo. Paistoria kadakuada no kasano a nagdesisionda a mangaramid iti ad-adu pay ken no kasano a naorganisar dagiti aktibidadda.
20 min: “Idiay Balay ni Jehova Mapantayo.” Saludsod ken sungbat a panangkobre iti parapo 9-14 ti insert. Usaren dagiti singasing idiay parapo 12 ken 13, paidemostra iti maysa nga agibumbunannag no kasano a makasao ti maysa a tao nga agkedked.
Kanta 165 ken pangserra a kararag.
Lawas ti Ago. 30–Set. 5
10 min: Lokal nga anunsio. Isalaysay ti maysa a panglakayen iti report ti kongregasion iti serbisio ti tay-ak iti Hulio, a maited ti komendasion ken pammaregta. Kasta met, malawagan iti dua wenno tallo a maitutop a mapagsaritaan a puntos manipud kadagiti magasina a mausar iti tay-ak ti serbisio iti ngudo ti lawas.
15 min: “Panangusar a Naimbag iti Ti Pagwanawanan ken Agriingkayo! Saludsod ken sungbat a panangtingiting. Tulongan dagiti amin a mangipateg kadagiti adu nga oportunidad nga adda kadatayo iti inaldaw a mangipaima kadagiti magasina, agdinama ken kasta met kadagiti daan a ruar.
20 min: Palawag babaen ti maysa a panglakayen maipapan iti personal a kinadalus, a naibasar iti Ti Pagwanawanan a Hunio 1, 1989, pinanid 15-20. Masapul a maidatag ti palawag iti naanus a wagas ken buyogen ti naimbag a panangipato.
Kanta 192 ken pangserra a kararag.