Gimong ti Serbisio iti Agosto
Lawas ti Agosto 1-7
10 min: Lokal nga anunsio ken dagiti maiparbeng idiay Dagiti Pakaammo manipud Ti Ministeriotayo iti Pagarian.
18 min: “Salimetmetan ti Positibo a Kababalin.” Saludsod ken sungbat. Masaludsodan ti maysa a payunir wenno nabayagen nga agibumbunannag a mangistoria no kasano a nagpositibo iti sidong ti kinaaleng-aleng idiay teritoria.
17 min: “Dagiti Broshur—Napateg a Ramramit iti Ministerio.” Malawagan a kadua ti tallaong. Maiyurnos ti dua a naisagana a naimbag a demostrasion kadagiti naisingasing a presentasion. Maibistrad dagiti broshur a mabalin a mausar bayat ti Agosto.
Kanta 142 ken pangserra a kararag.
Lawas ti Agosto 8-14
10 min: Lokal nga anunsio. Teokratiko a Damdamag.
15 min: “Ammuenyo a Naimbag Dagiti Kakabsatyo.” Saludsod ken sungbat. Awisen dagiti timmabuno a mangistoria kadagiti kapadasan a mangipakita no kasano a maam-ammo dagiti sabsabali babaen ti panangalagad kadagiti singasing iti parapo 6.
20 min: Panangaramid ti Ad-adu nga Impormal a Panangasaba. Lawlawagan ti grupo iti tallo wenno uppat nga agibumbunannag no kasano a mapalawa ti pannakiramanda iti daytoy nga aktibidad. Babaen ti panangusarda iti Oktubre 15, 1987, a Pagwanawanan, pinanid 22-7, repasuenda no ania ti naaramidan dagiti dadduma ken saritaenda no kasanoda a naiplano iti ad-adu pay a maaramid iti daytoy a tipo ti trabaho.
Kanta 182 ken pangserra a kararag.
Lawas ti Agosto 15-21
5 min: Lokal nga anunsio, agraman report ti kuenta.
15 min: “Panangparayray ti Interes Kadagiti Panagsarungkar.” Malawagan a kadua ti tallaong. Mairaman ti 3 a minutos a demostrasion dagiti naited a presentasion.
25 min: “Agtultuloykayo a Magna a Sirarang-ay iti Naurnos a Rutina.” Saludsod ken sungbat iti material ti insert.
Kanta 96 ken pangserra a kararag.
Lawas ti Agosto 22-28
10 min: Lokal nga anunsio.
20 min: “Kasano a Nasingsingedak Koma iti Dios?” Demostrasion. Ilawlawag dagiti nagannak ti material iti Iyimtuod ti Agtutubo a libro kadagiti agtutubo nga annak. Makobrian ti subtema a “Panangipaduyakyak a Publiko iti Pannakigayyemyo iti Dios,” pinanid 315-18. Agreklamo dagiti annak a mariknada ti agbain iti panagbalaybalay a trabaho bayat a kanayon a maulit ken masansan dagiti gimong. Makirinnason dagiti nagannak iti naanus a wagas, nga itudoda no kasano a dagitoy nga aktibidad ket nasken no kayatda a mataginayon ti naimbag a relasionda ken Jehova.
15 min: Lokal a kasapulan. (Wenno maited ti palawag iti artikulo a “Napnuan Aramid iti Naimbag a Damag” iti Hulio 1, 1991, a Pagwanawanan, pinanid 28-30.)
Kanta 184 ken pangserra a kararag.
Lawas ti Ago. 29–Set. 4
10 min: Lokal nga anunsio.
18 min: “Makasublikayo Kadi iti Ranggo Dagiti Payunir?” Saludsod ken sungbat. Mairaman ti aniaman a kapadasan a mangipakita no kasano a dagiti dadduma ket makasublida iti payunir a serbisio wenno no kasano a ti sangakabbalayan ket agtutunosda a tumulong iti miembro ti pamilia a manggundaway iti daytoy a pribilehio.
17 min: Itukon ti Agbiag nga Agnanayon a Libro Bayat ti Setiembre. Daytoy a libro ti nairuar idi 1982 ket manipud idi nausar a kas kangrunaan a rimienta a mangikondukta iti panagadal ti Biblia. Nagminar iti panagrang-ay iti agibumbunannag manipud 2,652,323 idi 1983 iti 4,709,889 idi 1993. Nasurok a 72 a milion a kopia iti 116 a pagsasao ti naiwarasen. Maawis ti tunggal maysa a mangistoria no kasanoda a naadal iti kinapudno manipud iti daytoy a libro wenno no kasanoda a natulongan dagiti dadduma babaen ti panangadal kadakuada. Itudo dagiti benneg ti libro a mabalin a mailawlawag no itukon dayta.
Kanta 161 ken pangserra a kararag.