Gimong ti Serbisio iti Abril
Lawas ti Abril 3-9
10 min: Dagiti lokal nga anunsio ken napili a Pakaammo manipud Ti Ministeriotayo iti Pagarian. Repasuen ti “Panagsagana a Maipaay ti Memorial.”
15 min: “Yamanentay ti Adda Kadatayo.” Saludsod ken sungbat.
20 min: “Ti Pagwanawanan ken Agriingkayo!—Dagiti Magasin a Maipaay iti Naganat a Tiempotayo!” Pagsaritaan a kadua ti tallaong. Tudingan ti dua nga agibumbunannag a mangipakita no kasano a maisagana ti panangiparang a mausar dagiti naited a singasing, sa agsinnublatda a mangidemostra iti saggaysa a parang.
Kanta 219 ken pangserra a kararag.
Lawas ti Abril 10-16
10 min: Dagiti lokal nga anunsio. Report ti kuenta. Teokratiko a Damdamag. Palagipan dagiti amin a tulongan dagiti interesado a tattao a tumabuno iti Memorial. Gutugoten dagiti amin a mangaramid ti nagpaiduma a regget a makiraman iti tay-ak ti serbisio iti daytoy ngudo ti lawas.
15 min: “Panangtaginayon iti Panagkaykaysatayo iti Pagarian.” Pagsaritaan a kadua ti tallaong.
20 min: “Aduankayo ti Aramiden iti Trabaho ti Apo.” Saludsod ken sungbat babaen ti manangaywan ti serbisio. Repasuen dagiti urnos a maipaay iti panagbalaybalay a mangiwaras iti espesial a Kingdom News. Pagsasaritaan dagiti plano a mangwanas iti amin a naituding a teritoria ti kongregasion. Ilawlawag no ania ti masapul tapno matulungan dagiti agdadamo a makiraman iti serbisio iti umuna a gundaway. (Kitaenyo ti Marso 1995 a Ti Ministeriotayo iti Pagarian, panid 1.)
Kanta 150 ken pangserra a kararag.
Lawas ti Abril 17-23
13 min: Dagiti lokal nga anunsio. Isalaysay dagiti tampok a pasamak iti rambak ti Memorial, ken repasuen no kasano pay a mabadangan dagiti agdadamo a timmabuno. Gutugoten dagiti amin a tumabuno iti espesial a palawag inton Abril 23 ken kasta met a tulongan dagiti agdadamo nga interesado nga agsublida. Repasuen dagiti urnos iti serbisio ti tay-ak maipaay iti panagiwaras ti Kingdom News.
15 min: “Makitayo Kadi ti Pakasapulan?” Saludsod ken sungbat. Saritaenyo iti ababa dagiti agdama a kalat nga ikagkagumaan dagiti panglakayen a ragpaten iti trabahoda a panangipastor. Ilawlawagyo no ania ti maaramid iti tunggal maysa a tumulong.
17 min: “Panangbirok Kadagidiay Nalaka a Paisuro.” Malawagan a kadua ti tallaong. Paidemostra ti maysa wenno dua nga ababa a panangiparang.
Kanta 197 ken pangserra a kararag.
Lawas ti Abril 24-30
15 min: Dagiti lokal nga anunsio. Repasuen ti progreso ti panagiwaras ti Kingdom News idiay teritoria. Awisen dagiti agibumbunannag a mangistoria kadagiti nagragsakanda a kapadasan a nangitukon iti Kingdom News.
12 min: “Saludsod.” Saludsod ken sungbat.
18 min: Idaulo a Kanayon ti Panagadal ti Pamiliayo. Yebkas ti asawa a lalaki ken babai a maseknanda maipapan iti nakapuy a naespirituan a progreso ti annakda. Bigbigen ti asawa a lalaki a nagliway maipapan ti panangidaulo iti panagadal ti pamilia; no dadduma adu a lawas ti lumabas nga awan ti aniaman a panangidalan iti pamilia. Repasuenda ti panangiwanwan idiay Giya ti Eskuelaan, pinanid 37-8, parapo 12-14. Agpadada nga umanamong nga ipaayda ti panangyun-una iti panagadal ti pamilia iti kada lawas, a di palubosan dagiti sabsabali nga aktibidad a mangsinga.
Kanta 142 ken pangserra a kararag.