Panangitukon iti Ti Katan-okan a Tao a Nagbiag Pay Laeng
1 Inton Disiembre itukontay manen ti libro a Katan-okan a Tao kadagiti adda iti teritoriatayo. Adu a tattao ti mangpampanunot ken Jesus bayat daytoy a tiempo iti tawen ket mabalin a ragsakenda a basaen ti estoria ti biagna ditoy daga. Ania ti mabalintay a sawen a panggutugot iti interes?
2 Adtoy ti parang a mabalin a mangtukay ti interes bayat daytoy a bulan ti Disiembre:
◼ “Kaaduan a tattao naisuroda a ni Jesus ket nayanak iti Disiembre 25 ken adda tallo a masirib a lallaki a bimmisita kenkuana iti dayta a tiempo. Dayta kadi ti patpatienyo? [Palubosan a sumungbat.] Iti daytoy a libro iti kapitulo 5 makitayo ti ilustrasion ti pannakaipasngayna. [Ipakita ti ilustrasion sa basaen ti maudi a parapo.] Maipapan kadagiti tallo a masirib a lallaki, nalabit nga interesa dokayo iti daytoy ilustrasion iti kapitulo 7. Adda kadi madlawyo a nagdumaan dagiti dua nga ilustrasion? [Ipakita ti ladawan iti makannawan a panid ken ipakita a ni Jesus ket dakkel bassiten iti dayta a tiempo.] Ited daytoy a libro ti umiso a salaysay iti biag ken ministerio ni Jesus. Tapno matagiragsakyo dayta, ragsakek nga itukon kadakayo daytoy a libro iti bassit a kontribusion.”
3 Gapu kadagiti kallabes a makapadanag a damag, mabalinyo a kunaen:
◼ “Nalabit a nangngegyon maipapan daydiay [dakamaten ti pasamak]. Masdaawkay kadi no apay a mapaspasamak dagita a bambanag itatta? [Palubosan a sumungbat.] Inrekord ti Biblia ti sungbat ni Jesus iti kasta a saludsod, ket ditoy kapitulo 111 iti daytoy a libro ilawlawagna a ti kakasta a pasamak ket pagilasinan ti maudi nga al-aldaw. [Ipakita ti ilustrasion iti umuna a panid sa basaen ti maudi a parapo iti maikadua a panid, wenno basaen ti Mateo 24:7, 8 manipud iti Bibliayo.] Daytoy kadi ti mamagbuteng kadatayo? Saan, agsipud ta kaipapananna a din agbayag dadaelenton ti Dios ti amin a kinadakes ket iyegna ti baro a lubong. [Basaen ti 2 Pedro 3:13.] Babaen ti tulongyo nga ₱60.00 mabalin a maaddaankay iti maysa a kopia tapno mabasayo a mismo.”
4 No makasarakkay iti nagannak, mabalinyo nga iturong iti pamilia:
◼ “Umanamong ti kaaduan a nagannak nga adu a problema ti sanguen no ikagumaan a salimetmetan ti naragsak a biag ti pamilia. Ania dagiti mapaliiwyo a serioso a makalapped? [Palubosan a sumungbat.] Kaaduan kadatayo ti mangaramid iti inggat’ kabaelanna, ngem masansan nga ipategtay ti badang a tumulong kadatayo a mangragpat kadagiti nasaysayaat a resulta. Itden ti Biblia ti kaimbagan a balakad. [Basaen dagiti paset ti Colosas 3:12, 18-21.] Daytoy a libro, Ti Katan-okan a Tao a Nagbiag Pay Laeng, iti kapitulo 95, ipakitana a ni Jesus nangted kadagiti naimbag a Ieksion ti panagasawa ken panangpadakkel iti annak. [Luktan ti libro sa ipakita ti ilustrasion.] Masiguradok a pagragsakanyo a basaen daytoy a libro tapno ad-adu pay ti maammuanyo a praktikal a sursuro ni Jesus.”
5 No nakasaganatayo a naimbag, mabalintay nga usaren daytoy a libro a ‘manglukat ti Kasuratan’ iti sabsabali iti wagas a mangyeg kadakuada ti dakkel a rag-o!—Luc. 24:32.