Gimong ti Serbisio iti Marso
Lawas ti Marso 3-9
10 min: Dagiti lokal a pakaammo ken Dagiti Pakaammo iti Ministeriotayo iti Pagarian. Paregtaen ti amin a rugiandan nga awisen dagiti interesado a tumabuno iti Memorial inton Marso 23. Ipakita ti maysa a kopia ti imbitasion iti Memorial, ken idagadag kadagiti amin a mangaladan iti suplayda ket rugiandan nga iwaras dagitoy ita a lawas.
15 min: “Bangonem ti Sangakabbalayam.” Saludsod ken sungbat. Iraman dagiti kapadasan iti 1995 Yearbook, panid 228.
20 min: “Panangtulong Kadagiti Pamilia a Maaddaan iti Manayon a Masakbayan.” (Parapo 1-5) Komentuan iti apagbiit ti parapo 1, sa ilawlawag no kasano a matukay ti interes iti libro a Kinaragsak iti Pamilia babaen ti panangusar kadagiti paulo ti kapitulo, ilustrasion, ken pangrepaso a kahon. Paidemostra kadagiti makabael nga agibumbunannag dagiti presentasion iti parapo 2-5. Paregtaen ti amin a maaddaan iti naisangsangayan a panagregget a mangipaima iti libro kadagiti pamilia a nangipakita iti interes.
Kanta 71 ken pangserra a kararag.
Lawas ti Marso 10-16
10 min: Dagiti lokal a pakaammo. Report ti kuenta. Palagipan ti amin a siguraduenda a suroten ti panagbasa iti Biblia iti tiempo ti Memorial a nakaeskediul iti Marso 18-23.
20 min: “Ipakitayo a Managyamankayo.” Saludsod ken sungbat. Sipapasnek nga ikagumaan koma ti amin nga awisen a tumabuno iti Memorial dagiti iyad-adalan iti Biblia, interesado, miembro ti pamilia, ken siasinoman kadagiti kakabsat a saan nga aktibo a makitimtimpuyog iti kongregasion. Paregtaen dagiti amin a makabael nga ag-auxiliary pioneer iti Abril ken Mayo.
15 min: “Panangtulong Kadagiti Pamilia a Maaddaan iti Manayon a Masakbayan.” (Parapo 6-8) Mangipaay iti sumagmamano a singasing a mangipakita no kasano nga itukon ti libro a Kinaragsak iti Pamilia no mangaskasaba a di pormal idiay panggedan, eskuelaan, iti parke, wenno iti transportasion a para iti publiko, ken kasta met no sumarsarungkar kadagiti kabagian. Paidemostra iti makabael nga agibumbunannag dagiti presentasion iti parapo 6 ken 7. Mausar iti panagadal ti broshur nga Ania ti Kalikaguman ti Dios Kadatayo?, nga addaan kalat nga iyallatiw iti libro a Pannakaammo, wenno mabalin nga irugi ti panagadal iti mismo a libro a Pannakaammo.
Kanta 72 ken pangserra a kararag.
Lawas ti Marso 17-23
15 min: Dagiti lokal a pakaammo. Repasuen “Dagiti Palagip iti Memorial,” ken dakamaten dagiti lokal nga urnos iti Memorial. Iplano koman ti amin a tulongan a tumabuno dagiti iyad-adalan iti Biblia ken interesado.
15 min: Dagiti lokal a kasapulan. Wenno palawag ti maysa a panglakayen iti artikulo nga “Addaankay Kadi iti Nadiosan a Panangmatmat Kadagiti Inumen a de Alkohol?” iti Disiembre 15, 1996, Pagwanawanan, panid 25-9.
15 min: Usarenyo a Naimbag ti 1997 Yearbook of Jehovah’s Witnesses. Repasuen ti ama ken ti pamiliana dagiti tampok a paset a nasaklaw iti panid 3-9. Ipakita no apay nga adda panggapuantayo nga agrag-o a makakita iti teokratiko a panagrang-ay iti aglikmut ti lubong. Ilawlawag ti ama no kasano nga, iti umay a tawen, maiwayaanda iti sumagmamano a minuto kabayatan ti pannangan iti kada aldaw a progresibo a basaen ti Yearbook agingga a malpas ken pagsasaritaan ti inaldaw a teksto.
Kanta 75 ken pangserra a kararag.
Lawas ti Marso 24-30
5 min: Dagiti lokal a pakaammo. Ilawlawag a saan pay a naladaw tapno iyawat ti aplikasion para iti panag-auxiliary pioneer iti Abril. Palagipan ti amin a tumabuno ken mangawis kadagiti interesado iti espesial a palawag publiko nga “Agtalinaedkay a Nadalus Kadagiti Nailubongan a Pakatulawan” inton Abril 6.
28 min: “Maaddaan iti Tured a Sumarungkar.” (Parapo 1-20) Saludsod ken sungbat. Idemostra iti apagbiit ti parapo 16.
12 min: Panangtulong iti Baro nga Agibumbunannag a Mangrugi. Repasuen ti parapo 19 iti suplemento ti Hunio 1996 a Ti Ministeriotayo iti Pagarian. Idemostra no kasano nga isagana ti makabael nga agibumbunannag ti iyad-adalanna iti Biblia a nabiit pay nga inanamongan dagiti panglakayen nga agbalin a di bautisado nga agibumbunannag. Repasuenda a dua ti libro a Ministeriotayo, panid 111, parapo 2. Ilawlawag ti aduan-kapadasanna nga agibumbunannag no ania dagiti kasasaad a pakaipasanguan iti panangasaba iti binalaybalay ngem di kasapulan a maupay no saan a mangipangag ti kaaduan. Mangisalaysay iti makaparegta a kapadasan a mangipakita iti rag-o iti pannakasarak iti napasnek a tao a mayat a dumngeg. Mangisaganada a dua iti ababa, simple a presentasion iti magasin sada ensaywen.
Kanta 89 ken pangserra a kararag.
Lawas ti Marso 31–Abr. 6
15 min: Dagiti lokal a pakaammo. Iyanunsio ti nagnagan dagiti amin nga auxiliary pioneer iti Abril. Repasuen ti “Saludsod.”
20 min: “Maaddaan iti Tured a Sumarungkar.” (Parapo 21-35) Saludsod ken sungbat. Repasuen ti kahon iti panid 3.
10 min: Repasuen ti Literatura a Tukon iti Abril. Itukon ti suskripsion ken indibidual a kopia ti Pagwanawanan ken Agriingkayo! Repasuen iti apagbiit dagiti singasing no kasano ti mangisagana kadagiti presentasion iti parapo 3, 4, ken 8 iti panid 8 ti Oktubre 1996 a Ti Ministeriotayo iti Pagarian. Paidemostra iti dua nga agibumbunannag ti maysa wenno dua nga ababa a presentasion. Irekord koma dagiti agibumbunannag dagidiay mangala kadagiti magasin ken inayonda ida kadagiti regular nga itultulodanda iti magasin.
Kanta 92 ken pangserra a kararag.