Gimong ti Serbisio iti Abril
Lawas ti Abril 7-13
12 min: Dagiti lokal a pakaammo ken dagiti Pakaammo iti Ministeriotayo iti Pagarian. Dakamaten dagiti mapagsasaritaan a punto kadagiti baro a magasin.
15 min: “Umariwekwek ti Mainaynayon.” Saludsod ken sungbat. Repasuen dagiti singasing iti Agosto 15, 1993, Pagwanawanan, panid 12-17.
18 min: “Tulonganyo a Mangtarus Dagiti Awanan Pannakaammo.” Saludsod ken sungbat. Repasuen dagiti linaon ti broshur a Kalikaguman: simple a wagas ti panagadal, naintiempuan a salsaludsod, makaawis nga ilustrasion, nawadwad a Nainkasuratan a reperensia. Iyunay-unay ti kalat a mangirugi kadagiti panagadal nga inton agangay maiturong iti libro a Pannakaammo. Paidemostra iti makabael nga agibumbunannag no kasano ti mangirugi iti panagadal, nga usaren ti wagas ti pannakisarita a naibalabala iti parapo 4. Paregtaen amin a nagannak iti kongregasion nga adalenda ti broshur a kadua dagiti ubbingda.
Kanta 130 ken pangserra a kararag.
Lawas ti Abril 14-20
10 min: Dagiti lokal a pakaammo. Report ti kuenta. Mangisalaysay kadagiti lokal a kapadasan maipapan iti panagipaima iti broshur a Kalikaguman wenno panangaramat iti dayta a mangirugi kadagiti panagadal iti Biblia.
15 min: “Panangiturong Kadagiti Iyad-adalan iti Organisasion a Nakaipanaganantayo.” (Parapo 1-6) Saludsod ken sungbat. Basaen ti parapo 5-6 ken dagiti nadakamat a kasuratan.
20 min: “Isuroyo Kadagiti Sabsabali ti Kalikaguman ti Dios.” Pagsasaritaan ti tallaong ti parapo 1-4. Paidemostra dagiti presentasion iti parapo 5, nga usaren ti uppat a nagduduma a buya—iti lansangan, iti balay, iti lugar ti negosio, ken iti parke. Palagipan ti amin a mangala kadagiti broshur ken magasin a mausar iti tay-ak ti serbisio sakbay a panawanda ti Kingdom Hall.
Kanta 126 ken pangserra a kararag.
Lawas ti Abril 21-27
15 min: Dagiti lokal a pakaammo. Ilawlawag a saan pay unay a naladaw ti panangited iti aplikasion para iti panag-auxiliary pioneer iti Mayo. Ilawlawag dagiti punto iti “Saludsod.”
15 min: “Panangiturong Kadagiti Iyad-adalan iti Organisasion a Nakaipanaganantayo.” (Parapo 7-14) Saludsod ken sungbat. Paidemostra iti makabael a mannursuro no kasano ti makisarita a siaayat ken naimpusuan iti iyad-adalan maipapan iti pannakasapul a tumabuno kadagiti gimong.
15 min: Palawag ti panglakayen iti artikulo a “Karurodtayo ti Nadangkes” iti Pagwanawanan nga Enero 1, 1997, panid 26-9. Ipakita no kasano nga uray ti tao a nalabit pinakawanen ni Jehova ken ti organisasionna, kaskasdi a mabalin a sagabaenna latta ti bunga ti inaramidna.
Kanta 128 ken pangserra a kararag.
Lawas ti Abr. 28–Mayo 4
15 min: Dagiti lokal a pakaammo. Palagipan ti amin nga itedda ti reportda iti tay-ak ti serbisio iti Abril. Iyanunsio ti nagnagan dagidiay ag-auxiliary pioneer iti Mayo. Iti Mayo maaramid koma ti naisangsangayan a panagregget a mangsurnad kadagiti napaimaan iti broshur nga addaan kalat a mangirugi kadagiti panagadal. Mangisingasing iti apagbiit kadagiti pamay-an no kasano a sitataktika a maalatayo ti nagan ken direksion dagiti tattao a makasabaantayo iti di pormal a pamay-an. Awisen dagiti dumdumngeg a mangted kadagiti singasing a nagbalin nga epektibo kadakuada.
15 min: “Apay nga Ar-aramidenda?” Pagsasaritaan ti maysa a panglakayen ken dua wenno tallo a regular pioneer ti artikulo. (No awan, usarenyo dagidiay masansan nga ag-auxiliary pioneer.) Iraman dagiti kangrunaan a punto iti artikulo a “Dagiti Payunir Mangbendision ken Mabendisionanda,” iti Enero 15, 1994, a Pagwanawanan. Pailawlawag iti tunggal maysa no apay a pinilina ti agserbi kas payunir. Paisalaysay kadakuada dagiti kapadasan a mangipakita no kasano a mabembendisionanda iti panangaramidda iti dayta.
15 min: Dagiti lokal a kasapulan. Mabalin nga usaren dagiti panglakayen daytoy a gundaway a mangidatag iti impormasion maipapan iti espesipiko a lokal a kasapulan.
Kanta 129 ken pangserra a kararag.