Gimong ti Serbisio iti Setiembre
Lawas ti Setiembre 1-7
10 min: Dagiti lokal a pakaammo. Dagiti napili a Pakaammo iti Ministeriotayo iti Pagarian.
15 min: “Iyun-unayo Dagiti Bambanag nga Ad-adda a Napateg.” Saludsod ken sungbat. No adda pay oras, komentuan ti “Setting Proper Priorities” iti Awake! a Pebrero 22, 1987, panid 8-9.
20 min: “Iburay Kadagiti Sabsabali Ti Sekreto ti Kinaragsak iti Pamilia.” Palawag a mangsaklaw iti parapo 1 ken 6-8. Idemostra ti parapo 2-5.
Kanta 107 ken pangserra a kararag.
Lawas ti Setiembre 8-14
10 min: Dagiti lokal a pakaammo. Report ti kuenta.
15 min: Dagiti lokal a kasapulan. Wenno palawag iti “Agannadkayo iti Panangipabasol iti Dakes a Motibo” iti Pagwanawanan a Mayo 15, 1997, panid 26-9.
20 min: “Dagiti Panagadal iti Biblia a Mangpataud Kadagiti Adalan.” Palawag ken panagsasarita ti grupo. Repasuen ti panglakayen ti artikulo. Kalpasanna pagsasaritaanda ti “Tignayen Dagiti Estudiante iti Dedikasion ken Bautismo” (suplemento ti km-IL 6/96, par. 20-2) a kaduana dagiti aduan kapadasan nga agibumbunannag a mangidadaulo kadagiti panagadal.
Kanta 109 ken pangserra a kararag.
Lawas ti Setiembre 15-21
10 min: Dagiti lokal a pakaammo.
15 min: Usarenyo a Naimbag Dagiti Video. Repasuen dagiti singasing iti panangusar kadagiti video ti Sosiedad ken mangisalaysay kadagiti lokal a kapadasan a mangipakita no kasano ti nasaysayaat pay a panangusar kadagiti video, agpadpada iti pamiliatayo ken iti ministerio. Masarakan ti ad-adu pay a reperensia maipapan iti panangusar kadagiti video iti 1996 a Yearbook, panid 6, ti Pagwanawanan nga Oktubre 1, 1992, panid 30-1, ken ti suplemento ti Ministeriotayo iti Pagarian nga Abril, 1997, panid 4, parapo 9.
20 min: Us-usarenyo Kadi ti Broshur nga Edukasion? Pakisaritaan ti panglakayen ti Watchtower nga Oktubre 1, 1985, panid 30-1, iti sumagmamano a nagannak ken annak. Nupay mainaig daytoy iti dati a broshur nga School, mabalinda nga isalaysay dagiti personal a kapadasanda nga usarenda ti baro a broshur nga Edukasion.
Kanta 112 ken pangserra a kararag.
Lawas ti Setiembre 22-28
8 min: Dagiti lokal a pakaammo.
17 min: No Kasano ti Mangirugi iti Pannakipatang. Masansan a ti balligitayo iti ministerio agpannuray iti laingtayo a mangirugi iti pannakipatang kadagiti tattao. No kabaelantay ti mangyebkas iti sao a manggutugot iti panagimdeng dagiti sabsabali, mapagballigiantayon ti maysa kadagiti kadaklan a tubeng iti panangasabatayo. Isalaysay kadagiti agdengdengngeg dagiti kangrunaan a punto iti Giya ti Teokratiko nga Eskuelaan, adalen 16, parapo 11-14. Paisalaysay kadagiti agibumbunannag a nalaing ken epektibo a mangirugi iti pannakisarita no ania dagiti panglukat a sasao nga us-usarenda no makisaritada kadagiti tattao a (1) magmagna iti lansangan, (2) pasahero iti bus, (3) aglaklako, (4) nag-shopping nga adda iti paradaan, (5) tao a nakatugaw iti parke, ken (6) iti maysa a nakasabaanen iti telepono.
20 min: Repasuen ti Report ti Kongregasion iti 1997 a Tawen Serbisio. Ti manangaywan iti serbisio komendaranna ti kongregasion gapu iti nasayaat a panagreggetda, nangnangruna idi Marso, Abril, ken Mayo. Mangipaay kadagiti singasing manipud iti bagi dagiti panglakayen ken iti naudi a report ti manangaywan iti sirkito a mangparang-ay iti serbisio iti tay-ak ken panangyadal iti Biblia. Mangibalabala iti sumagmamano a praktikal a kalat iti baro a tawen serbisio, a pakairamanan ti panangirugi kadagiti panangyadal iti Biblia ken panag-auxiliary pioneer kadagiti bulan nga addaan iti lima a ngudo ti lawas—Nobiembre, Mayo, Agosto.
Kanta 113 ken pangserra a kararag.
Lawas ti Set. 29–Okt. 5
15 min: Dagiti lokal a pakaammo. Dakamaten a rugiantayton nga adalen ti libro a Kinaragsak iti Pamilia inton sumaganad a lawas a panagadal iti libro. Kas panagsagana iti trabaho a panagmagasin iti Oktubre, isalaysay dagiti impormasion iti Ministeriotayo iti Pagarian nga Oktubre 1996, panid 8, maipapan iti “Tingitingenyo ti Teritoriayo,” “Ammuenyo a Mismo ti Linaon Dagiti Magasin,” “Isaganayo Dagiti Panglukat a Sasaoyo,” “Makibagaykayo iti Bumalay,” ken “Agtitinnulongkayo.”
15 min: Palawag ti panglakayen iti “Ti Kinakapuy ti Tao Itan-okna ti Pannakabalin ni Jehova” maibasar iti Pagwanawanan a Hunio 1, 1997, panid 24-7.
15 min: Ipadayagyo ti Ministerioyo. Salaysayen kadagiti agdengdengngeg ti libro a Ti Ministeriotayo, panid 81-3. Dakamaten dagitoy a saludsod a mangitampok kadagiti kangrunaan a punto: (1) Kasanotay a magunggonaan iti panangsurot iti ehemplo ni Jesus? (2) Kasanot’ kinapateg ti responsabilidadtayo a mangasaba? (3) Aniada dagiti nakatignayantayo a mangidedikar iti biagtayo ken Jehova? (4) Ania a kita ti kababalin ti kasapulan tapno makapagserbi ti maysa a tao iti Dios? (5) Aniat’ maadaltayo iti wagas ti panangasaba ni Jesus?
Kanta 121 ken pangserra a kararag.