Repaso iti Teokratiko nga Eskuelaan ti Panagministro
Siseserra ti libro a repaso iti material a nasaklaw iti paspaset ti Teokratiko nga Eskuelaan ti Panagministro bayat dagiti lawas ti Setiembre 1 ingganat’ Disiembre 22, 1997. Usarem ti sabali a papel a pangisuratam iti sungbatmo kadagiti saludsod a kabaelam a sungbatan bayat ti naituding a tiempo.
[Tandaanan: Bayat ti maisurat a repaso, mabalin a mausar ti Biblia a pangsungbat iti aniaman a saludsod. Dagiti reperensia a sumaruno kadagiti saludsod maipaayda iti personal a panagsukimatmo. Ti numero dagiti panid ken parapo nalabit a saanda nga agparang kadagiti amin a reperensia Ti Pagwanawanan.]
Sungbatanyo ti tunggal maysa kadagiti sumaganad a sasao iti Pudno wenno Ulbod:
1. Nupay ibaga ti rekord a ni nagulib nga Ari Joram nagturay iti makin-amianan a pagarian ti Israel, ditay ammo no asino dagiti nagannak kenkuana wenno kasano a natay. [it-1 p. 1270 par. 8, 12]
2. Idiay Lucas 22:30, “dagiti sangapulo ket dua a tribu ti Israel” pareho ti kaipapananda iti adda idiay Mateo 19:28, a sadiay saan laeng a dagiti napulotan-espiritu a katulongan a papadi ti pagaplikaranna no di ket iramanna dagiti amin a sabsabali iti sangatauan. [Linawas a panagbasa iti Biblia; kitaenyo ti w87-IL 3/1 p. 27 par. 10; p. 28 par. 12.]
3. Ti rason a nasdaaw dagiti adalan ni Jesus iti pannakisaritana iti Samaritana ket ti babai imoral ti panagbiagna. (Juan 5:27) [Linawas a panagbasa iti Biblia; kitaenyo ti w95-IL 7/15 p. 15 par. 1-2.]
4. Ti ebkas a “manipud idi damo” idiay Juan 6:64 ipamatmatna a ni Jesus ammonan idi tiempo a napili nga apostol ni Judas nga isunto daydiay mangliput Kenkuana. [Linawas a panagbasa iti Biblia; kitaenyo ti it-2 p. 129 par. 4-6.]
5. Ti karta ti Sosiedad idi 1884 tuktukoyenna laeng ti kasasaadna a maysa nga organisasion nga agipabpablaak. [jv-IL p. 576 par. 1]
6. Ti Exodo 21:22, 23 tulongannatayo a mangapresiar a matmatan ti Dios ti di pay naipasngay nga ubing a kas napateg a biag. [kl-IL p. 128 par. 21]
7. Ti “piesta dagiti Judio” a nadakamat idiay Juan 5:1 tuktukoyenna ti Paskua idi 31 K.P. [si-IL p. 194 par. 8]
8. Ti panangisaknap iti mensahe ti Pagarian babaen iti brodkas ti radio ken telebision ket kas met la iti kinaepektibo ti aniaman a sabali a metodo a mabalintay nga usaren. [jv-IL p. 572 par. 3]
9. Tangay nakaputot ni Joakim kadagiti pito nga annak a lallaki, ti Nainkasuratan a bilin nga, “Isuratyo a daytoy a lalaki nga awan ti anakna,” ket biddut. (Jer. 22:30) [it-1 p. 1267 par. 10]
10. Mamatmatan man dagiti sibil nga autoridad a nalinteg wenno dakes, dagiti pudno a Kristiano rumbeng nga irehistroda a siuumiso ti panagkasarda kadakuada. [kl-IL p. 122 par. 11]
Sungbatanyo dagiti sumaganad a saludsod:
11. Maitunos iti pagwadan dagiti umuna-siglo a Kristiano a taga Efeso, ania ti maysa kadagiti nasken a pamay-an a masapul nga aramiden tapno malabanan dagiti dakes nga espiritu? (Ara. 19:19) [kl-IL p. 114 par. 14]
12. Kasano a nagbasol ti dadduma kadagiti anghel idi kaaldawan ni Noe? [kl-IL p. 109 par. 4]
13. Apay a nagkedked ni Jesus a makiraman iti supiat maipapan iti panagtawid? (Luc. 12:13, 14) [Linawas a panagbasa iti Biblia; kitaenyo ti w97-IL 4/1 p. 28.]
14. Ania ti saan nga ammo dagiti adalan idi dinamagda ken Jesus no isublinan ti Pagarian ti Israel, kas nailanad idiay Aramid 1:6? [Linawas a panagbasa iti Biblia; kitaenyo ti w90-IL 6/1 p. 11 par. 4.]
15. Apay a saan a naibanag ni Adolf Hitler ti pangtana a mangtalipupos iti ili ni Jehova? [jv-IL p. 553 par. 2-4]
16. Kasano nga indemostra ni Jairo nga adda pammatina iti abilidad ni Jesus a mangagas? (Mar. 5:22-24) [it-1 p. 1250 par. 14]
17. Apay a kuna ti Baro a Lubong a Patarus a “ti Sao maysa a Dios” ket saan a “ti Sao Dios,” kas ti inaramid dagiti dadduma a patarus idiay Juan 1:1? [Linawas a panagbasa iti Biblia; kitaenyo ti rs-IL 118 par. 2.]
18. Sigun iti libro nga Apocalipsis, sadinonto ti pagtungpalan “dagidiay mangan-annurot iti espiritismo” no dida agbabawi ken balbaliwan ti daldalanda? [kl-IL p. 111 par. 8]
19. Yantangay ni Jesus ket perpekto a tao ket binigbigna ti pasetna kas Mannursuro, apay a dina inaklon ti pannakaawagna a “Naimbag a Mannursuro”? (Luc. 18:18, 19) [Linawas a panagbasa iti Biblia; kitaenyo ti w95-IL 3/1 p. 15 par. 7.]
20. Ania ti baro maipapan iti bilin a naibaga idiay Juan 13:34? [Linawas a panagbasa iti Biblia; kitaenyo ti w90-IL 2/1 p. 21 par. 5-6.]
Ipaayyo ti sao wenno dagiti sao a kasapulan a mangan-anay iti tunggal maysa kadagiti sumaganad nga ebkas:
21. Ti pagwadan ni ․․․․․․․․, ti Geteo, a nangipakita iti kinasungdo ken ․․․․․․․․, ti mangtignay koma kadatayo a mangipakita iti daytoy met la a kualidad kadagidiay mangidadaulo iti organisasion ni Jehova itatta. (2 Sam. 15:21) [it-1 p. 1237 par. 17]
22. Ti “sangapulo a mina” irepresentarna ․․․․․․․․ a mabalin nga usaren dagiti napulotan-espiritu nga adalan a mangpataud iti ad-adu pay nga ․․․․․․․․ iti nailangitan a Pagarian. (Luc. 19:13) [Linawas a panagbasa iti Biblia; kitaenyo ti w89-IL 10/1 p. 8.]
23. Dagiti tallo nga ulbod a pammabasol nga imbaga dagiti Judio ken Pilato, ti Romano a gobernador ti Judea, a maibusor ken Jesus, inramanna ti panangdaddadaelna kano iti ․․․․․․․․, panangiparitna iti panagbayad iti ․․․․․․․․, ken panagkunkunana nga Isu a Mismo ket ․․․․․․․․. (Luc. 23:2) [Linawas a panagbasa iti Biblia; kitaenyo ti w90-IL 12/1 p. 9 par. 1.]
24. Dagiti pudno a Kristiano saanda a rambakan ti Paskua wenno aniaman a piesta a naibasar iti ulbod a relihioso a pammati agsipud ta ipaayda iti ․․․․․․․․ ken Jehova; saanda met a selebraran dagiti piesta a ․․․․․․․․ kadagiti managbasol a tattao wenno nasion. [kl-IL p. 126 par. 16]
25. Ti libro ti Aramid insurat ni ․․․․․․․․ idi isut’ adda idiay ․․․․․․․․. [si-IL p. 199 par. 3]
Pilienyo ti umiso a sungbat iti tunggal maysa kadagiti sumaganad a sasao:
26. Idi 1992, nasurok a (2,500; 4,500; 6,500) nga estudiante manipud (40; 80; 110) a pagilian ti nasanayen idiay Gilead ken kalpasanna nakapagserbidan iti nasurok a (100; 150; 200) a dagdaga ken purpuro. [jv-IL p. 524 par. 2]
27. Idi (1877; 1879; 1881) impablaak ni Charles T. Russell ti bokleta a The Object and Manner of Our Lord’s Return, ket idi (1877; 1879; 1881), rinugianna nga impablaak ti Zion’s Watch Tower and Herald of Christ’s Presence. [jv-IL p. 557 par. 1]
28. Ti nadiosan a panagbiagtayo ipanamnamana a (kanayonto a nasayaat ti panangtrato dagiti sabsabali kadatayo; tagiragsakentayo ti kinawadwad dagiti material a bambanag itan; magun-odantayo ti pananganamong ti Dios agsipud ta umiso ti ar-aramidentayo). [kl-IL p. 118 par. 2]
29. Idi sinaludsodan ni Jesus ni apostol Pedro, “Ay-ayatennak kadi a nangnangruna ngem dagitoy?,” salsaludsodenna ken Pedro no agayat Kenkuana a nangnangruna ngem (ti panangayatna kadagitoy dadduma nga adalan; dagitoy dadduma nga adalan ay-ayatenda ni Jesus; ay-ayatenna dagitoy a bambanag, kas kadagiti ikan). (Juan 21:15) [Linawas a panagbasa iti Biblia; kitaenyo ti w88-IL 11/1 p. 31 par. 9.]
30. Kaaduanna, dagidiay nangidaulo iti panangisaknap iti naimbag a damag ket (dagiti nabaknang; dagitay tangtangaden toy lubong; gagangay a tattao.) [jv-IL p. 548 par. 3]
Itupagyo dagiti sumaganad a kasuratan kadagiti sasao a nailista iti baba:
2 Ar. 10:15, 16; Prov. 3:9, 10; Luc. 9:60, 62; 13:4, 5; Roma 9:10-12
31. Ni Jesus nagrason a maibusor iti kapanunotan a pannakaisigno, a tuktukoyenna ti trahedia a pagaammo unay dagiti dumdumngeg kenkuana ken nalawag nga impabiangna dayta iti tiempo ken di mapakpakadaan a pasamak. [Linawas a panagbasa iti Biblia; kitaenyo ti w96-IL 9/1 p. 5 par. 5.]
32. Indemostra ni Jehova ti abilidadna a makadlaw kadagiti naisigud a pagannayasan ti di pay naipasngay ken mangusar iti nasaksakbay a pannakaammona ken ti kalinteganna a mangpili sakbayna iti pilienna nga agpaay iti panggepna. [it-1 p. 1242 par. 6]
33. Masapul ti naipamaysa a debosion tapno makastrek iti Pagarian. [si-IL p. 192 par. 32]
34. Bendisionannatayo ni Jehova no usarentayo ti tiempo, pigsa, ken dadduma a sanikuatayo, agraman dagiti pondotayo, a mangparang-ay iti pudno a panagdaydayaw. [kl-IL p. 120 par. 8]
35. Masapul a sisusungdo a suportaran ti maysa dagidiay a mangidadaulo iti panagdaydayaw ken Jehova. [it-1 p. 1269 par. 8]