Dagiti Pakaammo

◼ Literatura a tukon iti Disiembre: New World Translation iti Ingles wenno Ti Nasantuan a Kasuratan agraman Ti Biblia—Saot’ Dios wenno iti Tao? iti ₱100.00. Enero: Nagkaykaysa iti Panagdayaw iti Maymaysa a Pudno a Dios wenno ti bassit a libro nga Agbiag nga Agnanayon iti ₱20.00. Pebrero: Life—How Did It Get Here? By Evolution or by Creation?, dakkel nga edision iti ₱60.00, bassit nga edision iti ₱30.00. Nupay kasta, kadagiti teritoria a di makapagsao iti Ingles, itukon koma ti bassit a libro nga Agbiag nga Agnanayon iti ₱20.00. PALAGIP: Dagiti kongregasion a saan pay a nagpedido kadagiti maikampania a publikasion a nadakamat masapul nga agpedidodan iti sumaruno a binulan a Literature Order Form (S-AB-14).

◼ Pakaammo kadagiti Sekretario ti Kongregasion: No adda asinoman nga agibumbunannag iti kongregasionyo a mapan agnaed iti sabali a pagilian, pangngaasiyo ta ikagumaanyo nga ipatulod ti Publisher Record card-da iti maitutop a kongregasion iti kabiitan a tiempo. Nakaawatkami kadagiti report a masansan a di maipapaayan iti naespirituan nga atension dagidiay umakar iti sabali a pagilian agingga a sumagmamanon a bulanda sadiay. Tapno maliklikan daytoy, ikagumaanyo nga alaen ti umiso a direksion a pangsuratanyo kadakuada sakbay a pumanawda, wenno apaman a makasangpetda sadiay. Iti kasta, uray diyo maala ti direksion ti sekretario ti kongregasion sadiay, mabalinyo nga ipatulod ti record card iti sanga nga opisina ti Sosiedad iti dayta a pagilian a mapakuyogan iti surat a mangilawlawag iti kasasaad ken mangipaaykayo iti eksakto a direksion. Iti kasta maipatulodda ti impormasion iti kaasitgan a kongregasion tapno matulonganda iti naespirituan.

◼ Panagbalbaliw Kadagiti Kombension Distrito: Pangngaasiyo ta kitaenyo iti listaan dagiti kombension a ti nakaeskediul a kombension idiay Sta Cruz, Laguna ket nabalbaliwanen iti Lucena City. Ti kombension idiay Bacolod City ket maangayen idiay West Negros College Gym imbes nga idiay Paglaum Sports Complex. Saan a nabalbaliwan ti petsa.

◼ Ti mamangulo a manangaywan wenno siasinoman a dutokanna masapul nga usigenna ti kuenta ti kongregasion iti Disiembre 1 wenno di agbayag kalpasanna aginggat’ mabalin. Mayanunsio iti kongregasion no naaramiden daytoy.

◼ Nasken a siguraduen dagiti agibumbunannag a mayurnosda ti makiraman iti tay-ak ti serbisio iti nasapa a paset ti Disiembre. No tumabunokayo iti kombension wenno agbakasionkayo, wenno awankayo iti kongregasionyo iti arinunos ti Disiembre, siguraduenyo nga ited ti reportyo iti sekretario sakbay a pumanawkayo. No ikagumaantayo amin ti agreport iti umiso a tiempo kompletonto ti reporttayo iti Disiembre.

◼ Yantangay tallo nga aldaw laeng ti kombension distrito iti daytoy a tawen, saan a kasapulan a kanselaren ti Panagadal iti Libro ti Kongregasion iti dayta a lawas.

◼ Dagiti kontribusion para kadagiti Kombension Distrito: Kayatmi nga ipakaammo iti isuamin nga amin a paggastuan kadagiti kombension, agraman ti pananggun-od kadagiti pasilidad, plataporma, public address system ket masupsuportaran amin babaen kadagiti boluntario a kontribusion. Masiguradomi a laglagipenyo daytoy inton tumabunokayo. Mabalin nga ited dagiti kontribusion kadagiti kahon ti donasion nga adda kadagiti pagkombensionan.—Kitaenyo ti parapo 13 ti Suplemento ti Ministeriotayo iti Pagarian a Nobiembre, 1996.

◼ Teksto iti Tawen 1998: Ti Teksto iti tawen 1998 ket naibatay iti Roma 10:13 “Tunggal maysa nga umawag iti nagan ni Jehova maisalakanto.” Iyurnos koma dagiti amin a kongregasion nga ipaskilda ti baro a teksto iti tawen iti Kingdom Hall-da inton Enero 1, 1998.