Dagiti Pakaammo

◼ Literatura a tukon iti Marso: Ti libro a Pannakaammo iti ₱25.00. Maaramidto ti naisangsangayan a panagregget a mangirugi kadagiti panangyadal iti Biblia. Abril ken Mayo: Makatawen a suskripsion Ti Pagwanawanan iti ₱120.00. Mangisagana iti broshur a Kalikaguman para kadagiti interesado, ket ikagumaanyo ti mangirugi kadagiti panangyadal iti Biblia. Hunio: Ti libro a Pannakaammo iti ₱25.00. PALAGIP: Dagiti kongregasion a saan pay a nagpedido kadagiti maikampania a publikasion a nadakamat masapul nga agpedidodan iti sumaruno a binulan a Literature Order Form (S-AB-14).

◼ Ti mamangulo a manangaywan wenno ti dinutokanna masapul nga usigenna ti kuenta ti kongregasion iti Marso 1 wenno iti kabiitan a panawen kalpasan dayta. No malpas daytoy, iyanunsio iti kongregasion kalpasan a maibasa ti sumaruno a report ti kuenta.

◼ Mangrugi iti Abril, ipalawagto dagiti manangaywan ti sirkito ti “Makipagpagnakayo Kadi iti Dios?” no bumisitada kadagiti kongregasion.

◼ Agplano koma itan dagiti agibumbunannag nga agtarigagay nga ag-auxiliary pioneer iti Abril ken Mayo ket sapaenda nga ited ti aplikasionda. Makatulongto daytoy kadagiti panglakayen a mangaramid kadagiti nasken nga urnos iti tay-ak ti serbisio ken makapedidoda iti umdas a magasin ken dadduma pay a literatura. Mayanunsio koma iti kongregasion ti nagnagan dagiti amin a naaprobaran nga auxiliary pioneer.

◼ Maangay ti Memorial inton Huebes, Abril 1, 1999. No gagangay nga aggigimong ti kongregasionyo iti Huebes, masapul nga aggigimongkayo iti sabali nga aldaw dayta a lawas no la ket ta bakante ti Kingdom Hall. No saan a mabalin daytoy ket maapektaran ti Gimongyo iti Serbisio, inayonyo iti sabali a Gimong ti Serbisio dagiti paset nga aplikado unay iti kongregasionyo.

◼ Dagidiay naitimpuyog iti kongregasion masapul nga iyawatda iti kongregasion ti isuamin a baro ken napabaro a suskripsion iti Pagwanawanan ken Agriingkayo!, agraman ti personal a suskripsionda.

◼ Panagbasa iti Biblia iti Memorial: Maiparegta iti amin a basaenda dagiti nairekomendar a paset ti Biblia kas agparang iti 1999 Calendar ken iti Panangsukimat Kadagiti Kasuratan iti Inaldaw-aldaw, mangrugi iti Marso 27 agingga iti aldaw ti Memorial, nga Abril 1.

◼ Saan a patulodan ti Sosiedad dagiti indibidual nga agibumbunannag nga agpedido iti literatura. Iyurnos koma ti mamangulo a manangaywan ti pannakayanunsio daytoy kada bulan sakbay a maipatulod iti Sosiedad ti binulan a pedido ti kongregasion para iti literatura tapno amin nga agtarigagay nga agpedido iti personal a literatura ket maipakaammoda iti kabsat a mangtamtaming iti literatura. Pangngaasiyo ta laglagipenyo no aniada a publikasion ti special-request items.

◼ Baro nga Audiocassette a Magun-odan:

Families​—Make Daily Bible Reading Your Way of Life! (Isu daytoy ti drama maipapan iti tallo a Hebreo a tinagiragsaktayo iti kalkalpas a kombension distrito. Agibumbunannag: ₱60.00; Payunir: ₱52.50.)​—Ingles