Gimong ti Serbisio iti Marso
Lawas ti Marso 1
8 min: Lokal a pakaammo. Dagiti napili a Pakaammo manipud iti Ministeriotayo iti Pagarian.
17 min: “Sangalubongan a Panangselebrar iti Ipapatay ni Kristo.” Saludsod ken sungbat. Iraman ti komento ti Pebrero 1, 1997, a Pagwanawanan, panid 11-12, parapo 10-14. Ipaganetget no kasano a ti naindaklan nga ayat ni Jehova isut’ nakagutugotanna a mangipaay iti pangsubbot kadatayo.
20 min: Dagiti Pakagutugotan Tapno Ag-auxiliary Pioneer iti Abril ken Mayo. Palawag ken pagsasaritaan ti tallaong nga idauluan ti manangaywan iti serbisio, nga idagadagna kadagiti isuamin ti napasnek a panangusig iti panag-auxiliary pioneer. Repasuen ti panagbaliw ti ragpaten nga oras dagiti regular ken auxiliary pioneer, kas naidatag iti Enero 1999 a Ministeriotayo iti Pagarian, panid 7. Tumulong koma daytoy a panagbalbaliw tapno ad-adu pay ti makiraman iti pribilehio nga agserbi iti amin-tiempo. Ilawlawag no kasano a ti panangipategtayo iti daton ni Kristo gutugotennatayo tapno ikagumaantay a kasabaan dagiti sabsabali. (2 Cor. 5:14, 15) Maangay iti umuna nga aldaw ti Abril ti Memorial ita a tawen. Anian a nagsayaat a pakagutugotan dagiti amin nga agibumbunannag ti Pagarian a mangipamaysa iti ad-adu a panagserbi iti intero a makabulan! Repasuen dagiti napili a tampok manipud iti Pebrero 1997 ken Marso 1998 a suplemento ti Ministeriotayo iti Pagarian maipapan iti auxiliary pioneer a serbisio. Usigenyo no kasano nga ibagay dagiti naited a pagsurotan nga eskediul. Repasuen dagiti urnos ti lokal a panagserbi. Paregtaen dagiti agibumbunannag a mangala kadagiti aplikasion ti auxiliary pioneer kalpasan ti gimong.
Kanta 44 ken pangserra a kararag.
Lawas ti Marso 8
10 min: Lokal a pakaammo. Report ti kuenta.
20 min: “Awisenyo Ida nga Umay.” Saludsod ken sungbat. Ipaganetget ti kinapateg ti naynay a panangiturong kadagiti kabbaro nga interesado kadagiti gimong ti kongregasion. Idemostra ti pannakisarita iti interesado, nga usaren ti material iti libro a Pannakaammo, panid 159, parapo 20, ken panid 161-3, parapo 5-8. Paregtaen ti amin nga ikagumaanda a tulongan dagiti mayad-adalan iti Biblia ken dadduma pay nga interesado a tumabuno iti Memorial inton Abril 1. Ipakita ti kopia ti nayimprenta nga imbitasion, ket ilawlawag no kasano a sieepektibo nga usaren dayta. Irugitayo koma amin ita a lawas ti agiwaras iti imbitasion para iti Memorial.
15 min: “No Kasano nga Agtitinnulong Dagiti Miembro ti Pamilia Tapno Makiramanda a Naan-anay—Kadagiti Gimong ti Kongregasion.” Pagsasaritaan ti maysa a pamilia. Bayat a komentuanda dagiti kangrunaan a punto iti artikulo, pagsasaritaanda no kasanoda nga isagana dagiti gimong kas pamilia. Pagsasaritaanda dagiti wagas a pangtulonganda iti maysa ken maysa a makiraman ken no ania ti masapul nga aramidenda tapno nasapa ti pamiliada kadagiti gimong.
Kanta 62 ken pangserra a kararag.
Lawas ti Marso 15
10 min: Lokal a pakaammo.
15 min: “Napateg a Serbisio ti Ipapaay Dagiti Ministerial nga Adipen.” Palawag ti makabael a ministerial nga adipen. Repasuen dagiti kangrunaan a punto a sinaklaw ti libro a Ministeriotayo, panid 57-9. Ilawlawag no kasano a maus-usar dagiti ministerial nga adipen a tumulong iti lokal a kongregasion.
20 min: Panangtagiragsak iti 1999 Yearbook. Pagsaritaan ti agassawa. Ilawlawag ti lalaki a ti Yearbook damo a naipablaak kas libro idi 1927 ket iti nasurok a 70 a tawenen, inramanna ti sangalubongan a report dagiti Saksi ni Jehova. Repasuenda dagiti tampok ti “1998 Grand Totals,” iti panid 31. Sadanto pagsaritaan ti “A Letter From the Governing Body,” iti panid 3-5, ket komentuanda no kasanoda nga ipakat ti naited a pammaregta.
Kanta 68 ken pangserra a kararag.
Lawas ti Marso 22
10 min: Lokal a pakaammo. Iyanunsio ti nagnagan dagidiay ag-auxiliary pioneer iti Abril. Ilawlawag a mabalin pay ti agaplikar. Binsabinsaen ti intero nga eskediul dagiti miting para iti serbisio a naiplano iti Abril. Paregtaen dagiti isuamin a surotenda ti nayeskediul a panagbasa iti Biblia iti Memorial para iti Marso 27–Abril 1, kas naibalabala iti Panangsukimat Kadagiti Kasuratan iti Inaldaw-aldaw—1999 ken iti 1999 Calendar.
15 min: Agsagana Para iti Memorial. Palawag. Agplano koma dagiti isuamin a tumulong kadagiti mayad-adalan iti Biblia ken dadduma pay nga interesado a tumabuno iti Memorial. Mabalin a di maawatan dagiti damoda ti tumabuno no asino ti makiraman kadagiti emblema wenno ti kayulogan daytoy a rambak. Repasuen ti nailanad iti Abril 1, 1996 a Pagwanawanan, panid 6-8, ket ipakita no kasanotay a tulongan ti kabbaro nga interesado a mangtarus iti kaipapanan ken panggep daytoy a selebrasion. Ingudo babaen ti panangrepaso iti “Palagip iti Memorial” ken binsabinsaen dagiti lokal nga urnos iti Memorial.
20 min: Ania ti Mapasamak Kadatayo No Mataytayo? Pagsasaritaan ti panglakayen ken ti dua wenno tallo a makabael nga agibumbunannag ti pateg ken usar ti broshur. Ad-adda a kabesadotayon daytoy a broshur idi inadaltayo iti Panagadal iti Libro ti Kongregasion. Us-usarentay met la dayta a sieepektibo iti tay-ak ti serbisio? Dagitoy ti pagsasaritaan ti grupo: Apay nga adu dagiti interesado iti daytoy a tema? No idilig kadagiti palso a pannursuro ti relihion, ania a namnama ti itampok daytoy a broshur? Kasanotay nga usaren dagiti saludsod iti makinlikud nga akkubna a mangtukay iti interes? Ania dagiti gundaway a mabalintay nga itukon daytoy a broshur? Mangidemostra iti presentasion nga usaren dagiti kasuratan iti parapo 14 iti panid 27. Paregtaen ti amin nga agalerto a mangusar iti daytoy a broshur.
Kanta 92 ken pangserra a kararag.
Lawas ti Marso 29
12 min: Lokal a pakaammo. Palagipan ti amin nga itedda dagiti reportda iti tay-ak ti serbisio para iti Marso. Itukontayo ti suskripsion iti Pagwanawanan ken Agriingkayo! iti Abril. Ipakita dagiti kabaruan a ruar dagiti magasin, isingasing dagiti artikulo a mabalin nga itampok, ket dakamaten dagiti sumagmamano nga espesipiko a makapainteres a punto. Agitugottayo koma amin iti broshur a Kalikaguman ket usaren a pangirugi kadagiti panangyadal iti Biblia kadagiti interesado.
15 min: Lokal a kasapulan.
18 min: Kasanot’ Rumbeng a Reaksiontayo iti Balakad? Palawag ti panglakayen. Mabalakadantay amin no iti kababalin, kondukta, pannakitimtimpuyog, wenno pannakiraman kadagiti aktibidad ti kongregasion. No dadduma ditay kayat ti mabalakadan wenno marurodtayo. Nasken iti naespirituan a pagimbagantayo ti situtulok a panangakseptar ken panangyaplikar iti balakad. Repasuen dagiti nasken a rason a mangigunamgunam no apay a rumbeng nga akseptaren ken apresiarentayo ti balakad.—Kitaenyo ti Abril 1, 1987, a Pagwanawanan, panid 27-30.
Kanta 118 ken pangserra a kararag.