Palagip iti Memorial

Maangay ti Memorial ita a tawen inton Huebes, Abril 1. Asikasuen koma dagiti panglakayen dagiti sumaganad:

◼ No ikeddengyo ti oras ti taripnong, siguraduenyo a santo la maipasa dagiti emblema inton limneken ti init.

◼ Mapakaammuan koma ti amin, agraman ti agpalawag, maipapan iti eksakto nga oras ken lugar a pagselebraran.

◼ Maala ken maisagana koma ti maitutop a klase ti tinapay ken arak.​—Kitaenyo ti Agosto 15, 1985, a Pagwanawanan, panid 19.

◼ Nasakbay koma a maiplastar idiay Kingdom Hall dagiti plato, kopa, ken ti mayanatup a lamisaan ken mantel.

◼ Nasakbay koma a madalusan a naan-anay ti Kingdom Hall wenno ti sabali a lugar a pagtataripnongan.

◼ Nasakbay koma a mapili ken maikkan ti instruksion dagiti attendant ken dagiti agipasa maipapan iti rebbengenda ken ti maitutop a pagannurotan.

◼ Mayurnos koma ti pannakaserbi ti asinoman a napulotan a masakit ken di makatabuno.

◼ No nasursurok ngem maysa a kongregasion ti nakaeskediul a mangusar iti isu met laeng a Kingdom Hall, adda koma nasayaat a koordinasion dagiti kongregasion tapno maliklikan ti panaglilinnetlet iti lobby wenno pagserkan, kadagiti bangketa, ken iti pagiparadaan iti lugan.