Dagiti Pakaammo
◼ Dagiti literatura a tukon iti Pebrero: Mabalin nga itukon dagiti daan a libro a 192 ti panidna. No awan dagiti daan a libro, mabalin nga itukon kas sandi ti libro a Ti Panangbirok ti Sangatauan iti Dios wenno ti Creation. Marso: Maitukon ti libro a Pannakaammo ket ikagumaan a makairugi iti panagadal iti Biblia iti pagtaengan. Abril ken Mayo: Ti indibidual a kopia Ti Pagwanawanan ken Agriingkayo! No agsarungkar, mabalin nga itukon dagiti agibumbunannag ti regular a panangitulod iti magasin wenno itukonda ti suskripsion kadagiti tattao nga adayo iti kongregasion ti pagnanaedanda.
◼ Iti ngudo ti Pebrero, repasuen koma ti sekretario ken ti manangaywan iti serbisio ti nagapuanan dagiti amin a regular pioneer. Nakaireportda koman iti agarup 420 nga oras iti dayta a tiempo. No adda dagiti marigatan a mangragpat iti makalikaguman nga oras, iyurnos koma dagiti panglakayen ti panangtulong kadakuada tapno masupusopanda ti kurang nga orasda iti nabatbati pay nga innem a bulan ti tawen serbisio. Maipapan kadagiti singasing, repasuen ti tinawen nga S-201 a surat a napetsaan iti Nobiembre 1, 2001. Kitaenyo met ti parapo 12-20 iti insert ti Setiembre 1986 a Ti Ministeriotayo iti Pagarian.
◼ Ti mamangulo a manangaywan wenno ti dinutokanna sukimatenna koma ti kuenta ti kongregasion inton Marso 1 wenno iti kabiitan a panawen. No nalpasen, maipakaammo daytoy iti kongregasion kalpasan a maibasa ti sumaruno a report ti kuenta.
◼ Inton Domingo, Pebrero 17, 2002, addanto miting dagiti amin nga agpalplano nga ag-auxiliary pioneer iti bulan ti Marso, Abril, ken Mayo. Maparegta ti amin a tumabuno. Ti manangaywan iti serbisio ti mangidaulo iti daytoy a miting ket siguraduenna koma nga adda umdas nga Application for Auxiliary Pioneer Service a maibunong kadagiti amin a makimiting.
◼ Aniaman a gimong a gagangay a nakaeskediul iti Huebes, Marso 28, 2002, ket nasken a maangay iti sabali nga aldaw iti lawas ti Memorial.
◼ Dagiti Baro a Magun-od a Publikasion:
Ti Padto ni Isaias—Lawag nga Agpaay iti Sangatauan II—Cebuano, Ingles, Hiligaynon, Iloko, Tagalog
Makapnek a Biag—No Kasano a Masagrap —Cebuano, Ingles, Hiligaynon, Iloko, Tagalog
Tract T-25, Addaanka Aya iti Imortal nga Espiritu?—Bicol, Cebuano, Ingles, Hiligaynon, Iloko, Pangasinan, Samar-Leyte, Tagalog