Makasursuro ti Tunggal Maysa iti Noah—He Walked With God
Basaen wenno repasuenyo ti Genesis 6:1 agingga 9:19. Kalpasanna, buyaenyo ti video a Noah, ket utobenyo ti isungbatyo kadagitoy a saludsod: (1) Ania ti kasasaad ti lubong idi kaaldawan ni Noe, ken kasano a nagbanag a kasta? (2) Ania ti namagbalin ken ni Noe a naisangsangayan unay, ania ti impaannong kenkuana ti Dios, ken apay? (3) Sadino ti mabalin a nakaibangonan ti daong, kasano kabayag ti pannakaibangonna, ken ania ti kadakkelna? (4) Malaksid iti panangibangonda iti daong, ania pay ti masapul idi nga aramiden ni Noe ken ti pamiliana? (5) Ania ti riknayo no addakayo iti uneg ti daong apaman a narikpan ti ridaw? (6) Ania ti mabalin a riknayo kalpasan a naispalkayo iti Layus? (7) Ania ti pasaray ipalagip kadatayo ti Layus, ken ania ti kaipapananna? (8) Iti salaysay ti Biblia maipapan ken ni Noe, ania ti insurona kadakayo maipapan iti kinasiasinoyo, iti pamiliayo, ken iti trabaho ti Dios a naipaannong kadatayo? (9) Ania ti kayatyo a saludsoden ken ni Noe ken iti pamiliana no makitayo ida iti Paraiso? (10) Ania ti pampanunotenyo ita a pangusaran iti video a Noah?