Eskediul ti Gimong ti Serbisio
Lawas ti Mayo 13
10 min: Lokal a pakaammo. Napili a Pakaammo manipud iti Ti Ministeriotayo iti Pagarian. Babaen ti panangusar kadagiti singasing iti panid 8, iparang ti dua a demostrasion no kasano nga itukon ti Mayo 15 a Pagwanawanan ken Mayo 22 nga Agriingkayo!
20 min: “Dagiti Singasing a Presentasion iti Tay-ak ti Serbisio.” Pagsasaritaan ti tallaong ti suplemento nga imatonan ti manangaywan iti serbisio. Naglaon daytoy a suplemento kadagiti singasing a presentasion a nagparang kadagiti napalabas a ruar Ti Ministeriotayo iti Pagarian agraman ti sumagmamano a baro a presentasion. Mabalin nga usaren ti blanko a linia a pangisuratan iti sabali pay a singasing nga agparang iti masanguanan ken epektibo iti teritoriayo. Awisenyo ti tallaong a mangibaga no ania a presentasion ti magustuanda unay ken apay. Idemostra ti maysa wenno dua a presentasion a mabalin nga usaren iti daytoy ngudo ti lawas. Paregtaenyo ti amin nga agibumbunannag ken payunir nga idulinda daytoy a suplemento ken kanayon nga agkonsulta iti dayta no agsaganada a mapan iti ministerio.
15 min: “Maliklikanyo ti Naespirituan nga Atake ti Puso.” Palawag a naibatay iti artikulo ti Disiembre 1, 2001, a Pagwanawanan, panid 9-13. Ipakita a napateg ti panangsaluad iti piguratibo a puso a kas met laeng iti pisikal a pusotayo. Paregtaenyo ti amin a dida iyaleng-aleng dagiti pagilasinan ti naespirituan a kinakapuy.
Kanta 115 ken pangserra a kararag.
Lawas ti Mayo 20
10 min: Lokal a pakaammo. Report ti kuenta. Repasuen ti “Saludsod.”
15 min: “Nalawa Kadi ti Teritoria ti Kongregasionyo?” Palawag ken pagsasaritaan ti tallaong nga imatonan ti manangaywan iti serbisio. (Mabalin a repasuen dagiti kongregasion a limitado ti teritoriada ti artikulo nga “Usarenyo a Sieepektibo ti Tiempoyo,” iti Hunio 1999, a Ti Ministeriotayo iti Pagarian, panid 4.) Dakamatenyo no mano ti teritoria ti kongregasion ken kasano kalawa ti nawanas iti napalabas a tawen. Ilawlawagyo no kasano a mayaplikar dagiti singasing iti teritoriayo. Repasuenyo dagiti maar-aramid a plano tapno mawanas iti masanguanan ti manmano a matrabaho a teritoria.
20 min: “Us-usarem Kadi ti Broshur a Kalikaguman a Pangirugi iti Panagadal?” Rugianyo babaen ti panangidemostra iti nakasagana a naimbag nga agibumbunannag no kasano a mairugi ti panagadal, nga usaren ti pagarigan iti parapo 3. Kalpasanna, dakamatenyo dagiti tampok ti broshur, ken ilawlawagyo no kasano a nadisenio dayta a pangirugi iti panagadal. Ipakitayo ti kinapateg ti kanayon a panagkonsulta kadagiti singasing iti panid 4 ken 6 ti suplemento iti daytoy a bulan no kasano a mairugi ti panagadal iti daytoy a broshur. Saludsodanyo ti tallaong no ania kadagiti singasing ti ad-adda nga epektibo para kadakuada. Ingudoyo babaen ti panangulit iti demostrasion iti parapo 3.
Kanta 169 ken pangserra a kararag.
Lawas ti Mayo 27
12 min: Lokal a pakaammo. Ipalagipyo kadagiti agibumbunannag nga itedda dagiti reportda iti tay-ak ti serbisio iti Mayo. Paidemostra iti maysa a nataengan nga agibumbunannag no kasano nga iparang ti Hunio 1 a Pagwanawanan ken iti maysa nga agtutubo nga agibumbunannag no kasano nga iparang ti Hunio 8 nga Agriingkayo! nga usaren dagiti singasing iti panid 8. Kalpasan ti tunggal demostrasion, komentuanyo no kasano kalaka a nairaman ti maysa a teksto iti presentasion.
20 min: “Ania ti Adda Napaypayso a Pategna?” Palawag ti maysa a panglakayen a naibasar iti artikulo ti Setiembre 15, 2001, a Pagwanawanan, panid 21-3. Ipakitayo no kasano a napatpateg ti kaadda ti anamong ni Jehova ngem ti aniaman a dayaw wenno material a sanikua. Iyaplikaryo dagiti punto iti lokal a kongregasion tapno agbalin a praktikal dayta.
13 min: Panangitukon iti Libro a Pannakaammo iti Hunio. Kalpasan ti ababa a panangsalaysay iti pito a ‘Singasing iti Panangiparang iti Libro a Pannakaammo’ iti panid 5 ti suplemento, paidemostra kadagiti nakasagana a naimbag nga agibumbunannag wenno payunir ti dua kadagita a presentasion. Paregtaenyo ti amin a repasuenda dagitoy a singasing sakbay a makipasetda iti ministerio iti Hunio.
Kanta 93 ken pangserra a kararag.
Lawas ti Hunio 3
15 min: Lokal a pakaammo. Paisalaysayyo kadagiti agibumbunannag dagiti bendision a nasagrapda kas bunga ti panag-auxiliary wenno panag-regular pioneer-da kabayatan ti Marso, Abril, wenno Mayo.
15 min: No Kasano nga Usaren ti Libro a Panakirinnason Dagiti Sabali a Patarus ti Biblia. Ababa a palawag a sarunuen ti panagsasarita ti tallaong. Basaenyo ti parapo 2 iti panid 8 ti libro a Panakirinnason, ken ilawlawagyo no apay ken kasano koma a mausar a kanayon ti Biblia iti ministeriotayo. Ipakitayo ti listaan dagiti pangababaan ti Biblia iti panid 6, ken ilawlawagyo no apay nga agad-adawtayo iti sasao kadagiti sabali a patarus. Ilawlawagyo dagiti panagannad a nadakamat iti Oktubre 1, 1997, a Pagwanawanan, panid 16, parapo 2, ken panid 20, parapo 15. Babaen ti panangusaryo kadagiti topiko a “Suno Dagiti Apostol,” “Dagiti Ladawan,” ken “Trinidad” iti libro a Panakirinnason, awisenyo ti tallaong a mangyilustrar no kasano a ti panamagdilig kadagiti patarus ket makatulong iti panangisuro iti kinapudno.
15 min: “Ti Pammatitayo Tignayennatayo nga Agaramid iti Naimbag.”a No mapagsasaritaan ti parapo 2, mainterbiu iti ababa ti maysa a naregta a Saksi. Dakamaten ti agibumbunannag no kasano a ti panangasaba kadagiti sabsabali ket agpadpada a pammaneknek ken mangpabileg iti pammatina.
Kanta 56 ken pangserra a kararag.
[Footnote]
a Limitaran dagiti panglukat a komento iti awan pay maysa a minuto, sa isaruno ti saludsod ken sungbat a panangusig.