Repaso iti Teokratiko nga Eskuelaan ti Panagministro
Siseserra ti libro a repaso iti material a nasaklaw dagiti paset ti Teokratiko nga Eskuelaan ti Panagministro bayat dagiti lawas ti Mayo 6 agingga iti Agosto 19, 2002. Usarem ti sabali a papel a pangisuratam iti sungbatmo kadagiti saludsod a kabaelam a sungbatan bayat ti naituding a tiempo.
[Palagip: Bayat ti maisurat a repaso, mabalin a mausar ti Biblia a pangsungbat iti aniaman a saludsod. Dagiti reperensia a sumaruno kadagiti saludsod maipaayda iti personal a panagsukimatmo. Ti numero dagiti panid ken parapo nalabit a saanda nga agparang kadagiti amin a reperensia Ti Pagwanawanan.]
Sungbatanyo ti tunggal maysa kadagiti sumaganad a sasao iti Umiso wenno Di Umiso:
1. Sigun iti Jeremias 8:1-6, ipapaaramid ni Jehova kadagiti tattao ti maibusor iti pagayatanda. [Linawas a panagbasa iti Biblia; kitaenyo ti w99-IL 4/1 p. 22 par. 3-4.]
2. Dagiti ulbod a mammadto tinakawda ti bileg ken epekto dagiti sao ti Dios babaen ti panangiparegtada kadagiti tattao nga agimdengda kadagiti kinaulbod imbes nga iti pudno a pakdaar a naggapu iti Dios. (Jer. 23:30) [Linawas a panagbasa iti Biblia; kitaenyo ti w92-IL 2/1 p. 4 par. 3.]
3. Iti Jeremias 25:15, 16, “daytoy a kopa ti arak ti pungtot” a mamagbalin iti ‘amin a nasion . . . nga agtignay a kasla mauyong a tattao’ tuktukoyenna ti makaulaw nga epekto ti palso a relihion. [Linawas a panagbasa iti Biblia; kitaenyo ti w94-IL 3/1 p. 20 par. 13.]
4. Sigun iti panangyaplikar ni Mateo iti padto ni Jeremias, “ti daga ti kabusor” tuktukoyenna ti daga ti ipapatay, a pakapagungaran dagiti ubbing nga impapatay ni Herodes a Dakkel. (Jer. 31:15, 16; Mat. 2:17, 18) [Linawas a panagbasa iti Biblia; kitaenyo ti w80-IL 1/1 p. 11 par. 13 w79-E 6/15 p. 19 par. 13.]
5. Patalgedan ti Jeremias 37:21 a kabaelan ni Jehova a sustentuan dagiti matalek nga adipenna iti panawen ti rigat. [Linawas a panagbasa iti Biblia; kitaenyo ti w97-IL 9/15 p. 3 par. 4–p. 4 par. 2.]
6. Iyebkas ti libro nga Un-unnoy ti napalaus a panagladingit gapu iti panangdadael ti ari ti Babilonia a ni Nabucodonosor iti Jerusalem idi 607 K.K.P. [si-IL p. 130 par. 1]
7. Ibatad ti Un-unnoy 5:7 a direkta a dusaen ni Jehova ti annak gapu kadagiti basol ti dadakkelda. [Linawas a panagbasa iti Biblia; kitaenyo ti w88-IL 9/1 kahon iti p. 27.]
8. Ti marka iti muging a nadakamat iti Ezequiel 9:4 kaipapananna nga umdasen ti pannakaammo tapno maisalakan ti maysa a tao. [Linawas a panagbasa iti Biblia; kitaenyo ti w88-IL 9/15 p. 14 par. 18.]
9. Dagiti “sagut a tattao” a nadakamat iti Efeso 4:8 ket isu dagiti Kristiano a panglakayen, a nadutokan babaen ti nasantuan nga espiritu ken naikkan iti autoridad a mangaywan iti naespirituan a pagimbagan dagiti kapammatianda. (Ara. 20:28) [w00-IL 8/1 p. 6 par. 3]
10. Iti kaitungpalan ti Ezequiel kapitulo 23 iti moderno a panawen, ti Protestantismo ket mayarig ken ni Oholiba ken mayarig ti Romano Katolisismo iti inauna a kabsatna a ni Ohola. [Linawas a panagbasa iti Biblia; kitaenyo ti w88-IL 9/15 p. 21 par. 22.]
Sungbatanyo dagiti sumaganad a saludsod:
11. Siasino ti tallo a mammadto a naisalsalumina kadagidi napeggad a tawen manipud 617 agingga iti 607 K.K.P., a nagpatingga idi nadadael ti Jerusalem? [si-IL p. 133 par. 2]
12. Kasanotay a maipakita ti pudno a panangipategtayo iti daton a pangsubbot ni Kristo, kas sungbattayo iti awis a nadakamat iti Lucas 9:23? [w00-IL 3/15 p. 8 par. 1]
13. Kasano a ni Jehova ‘sinikapanna’ ni Jeremias? (Jer. 20:7) [Linawas a panagbasa iti Biblia; kitaenyo ti w89-IL 5/1 p. 31 par. 6.]
14. Ania ti kayat a sawen ni Jesus idi imbagana a ti nasantuan nga espiritu ‘isuronanto kadakayo ti amin a bambanag ket ipalagipna kadakayo ti amin a bambanag nga imbagak kadakayo’? (Juan 14:26) [w00-IL 4/1 p. 8 par. 7-8]
15. Sigun iti Jeremias 35:18, 19, ania ti naited a namnama iti klase Recabita iti kaaldawantayo? [Linawas a panagbasa iti Biblia; kitaenyo ti su-E p. 131 par. 7.]
16. Kasano a dagiti Nefilim ket “mannakabalin” ken “agdinamag a lallaki”? (Gen. 6:4) [w00-IL 4/15 p. 27 par. 9]
17. Kasano a napukaw ni Baruc ti naespirituan a kinatimbengna, ket ania ti leksion a maadaltayo iti kapadasanna? (Jer. 45:1-5) [Linawas a panagbasa iti Biblia; kitaenyo ti w97-IL 8/15 p. 21 par. 14-16.]
18. Kaano ken kasano a natungpal ti padto iti Jeremias 50:38? [Linawas a panagbasa iti Biblia; kitaenyo ti dp-IL p. 150 par. 2-3.]
19. Ania a masakbayan ti Jerusalem, “ti birhen nga anak a babai ti Juda,” ti naipakpakauna a mapasamak met iti Kakristianuan, sigun iti Un-unnoy 1:15? [Linawas a panagbasa iti Biblia; kitaenyo ti w88-IL 9/1 kahon iti p. 27.]
20. Ania ti kaipapanan ti sasao nga “Ikkatem ti turbante, ket uksotem ti korona,” a nailanad iti Ezequiel 21:26? [Linawas a panagbasa iti Biblia; kitaenyo ti w88-IL 9/15 p. 19 par. 16.]
Ipaayyo ti sao wenno sasao a kasapulan a mangkompleto iti tunggal maysa kadagiti sumaganad a sasao:
21. Agtalinaed ti naemma a tao iti ․․․․․․․․ ti nasayaat a ․․․․․․․․ ken bigbigenna met nga adda ․․․․․․․․ ti rumbeng ken kabaelanna nga aramiden. (Mik. 6:8) [w00-IL 3/15 p. 21 par. 1-2]
22. Nupay mabalin a di ikkaten ti nasantuan nga espiritu ․․․․․․․․ wenno ․․․․․․․․, matulongannatayo a ․․․․․․․․ kadagitoy. (1 Cor. 10:13; 2 Cor. 4:7) [w00-IL 4/1 p. 11 par. 6]
23. Naawatan ni propeta Daniel manipud kadagiti insurat ni Jeremias a malangalang ti Jerusalem iti ․․․․․․․․; ti nakaskasdaaw a kinaumiso daytoy ti nangpabileg iti pammatina iti pannakabalin ni Jehova nga ․․․․․․․․.(Jer. 25:12; Dan. 9:2) [si-IL p. 129 par. 37]
24. Ti libro nga Un-unnoy rebbeng nga iparegtana ti ․․․․․․․․ ken ․․․․․․․․ kadagiti pudno nga agdaydayaw ken agserbi a ․․․․․․․․ a pakdaar kadagidiay di mangikankano ken Jehova a Dios. [si-IL p. 132 par. 13]
25. Ti ulidan ni Abraham iti panagbalinna a managpabus-oy iti panangtamingna iti parikut paregtaennatayo a ditay palubosan a ti ․․․․․․․․ wenno ․․․․․․․․ ti mangdadael iti napateg a relasiontayo kadagiti kakabsattayo. (Gen. 13:5-12) [w00-IL 8/15 p. 24 par. 3-4]
Pilienyo ti umiso a sungbat ti tunggal maysa kadagiti sumaganad a sasao:
26. Impateg ni Job ti (pannakaammo; asi; panangukom) ni Jehova isu a trinatona dagiti adipenna buyogen ti (pannakaawat; asi; kinalinteg). (Job 31:13, 14) [w00-IL 3/15 p. 26 par. 1]
27. Iti Jeremias 16:2-4, naibilin iti propeta nga agtalinaed nga awanan iti asawa (tapno maipakitana ti panagsakripisiona; tapno nasaksakbay nga iladawanna ti panagbiag idi ti Mesias nga awanan asawa; tapno patalgedanna ti kinapudno ti imbaga ni Jehova maipapan iti pannakadadael ti Jerusalem). [Linawas a panagbasa iti Biblia; kitaenyo ti w78-E 4/15 p. 31 par. 2.]
28. Iti Proverbio 4:7, ti kinasirib tuktukoyenna ti (pannakaammo kadagiti kinapudno; pannakaawat no kasano nga agkakanaig dagiti kinapudno; panangyaplikar iti pannakaammo ken pannakaawat). [w00-IL 5/15 p. 21 par. 1]
29. Awan tao a makasigurado iti orihinal a pannakaibalikas ti Hebreo a nagan ti Dios agsipud ta ti Biblikal a Hebreo ket orihinal a naisurat babaen kadagiti (bokales laeng; konsonante laeng). [rs-IL p. 180 par. 3]
30. Ti karuahe ti Dios a nadeskribir iti Ezequiel kapitulo 1 irepresentarna ti (Mesianiko a Pagarian ti Dios; organisasion ni Jehova a buklen dagiti espiritu nga anghel; pannakikomunikar ni Jehova kadagiti natda). [Linawas a panagbasa iti Biblia; kitaenyo ti w88-IL 9/15 p. 11 par. 5.]
Itupagyo dagiti sumaganad a kasuratan kadagiti sasao a nailista iti baba:
Deut. 7:25, 26; Prov. 4:18; 5:21; Jer. 46:28; Roma 15:4
31. Isuro daytoy a bilin no kasano ti rumbeng a panangmatmat ti ili ni Jehova kadagiti aniaman a ladawan a mabalin a daydayawenda idi. [rs-IL p. 205 par. 1]
32. Ti maysa a partikular a pamay-an ni Jehova a mangliwliwa ket babaen ti naisurat a Saona, a naglaon iti nakaskasdaaw a namnama iti masanguanan. [w00-IL 4/15 p. 5 par. 4]
33. Ti panangdisiplina ti nagannak saan koma a lumbes kadagiti nainkalintegan a limitasion wenno iti panggepna a panangkorehir ken panangisuro. [Linawas a panagbasa iti Biblia; kitaenyo ti kl-IL p. 148 par. 20.]
34. Yantangay tultulongan ni Jehova dagiti adipenna a mangtarus iti panggepna iti progresibo a pamay-an, ti irarang-ay ti pannakaammo masansan a kalikagumanna ti panagbalbaliw ti maysa a tao iti panagpampanunotna. [rs-IL p. 379 par. 1]
35. Saan a mailimed iti imatang ti Dios ti aniaman a seksual a kinarugit, uray no di maammuan dayta ti dadduma a tattao. [w00-IL 7/15 p. 31 par. 3]