Repaso iti Teokratiko nga Eskuelaan ti Panagministro
Oral a mausig dagiti sumaganad a saludsod iti Teokratiko nga Eskuelaan ti Panagministro iti lawas a mangrugi iti Pebrero 24, 2003. Mangikondukta ti manangaywan iti eskuelaan iti 30–minuto a repaso a naibatay iti material a saklawen dagiti paset para iti lawas ti Enero 6 agingga iti Pebrero 24, 2003. [Palagip: No awan dagiti reperensia kalpasan ti saludsod, dakayo a mismo ti agsukimat a mangbirok kadagiti sungbat.—Kitaenyo ti Eskuelaan ti Panagministro, p. 36-7.]
DAGITI KUALIDAD TI PANAGPALAWAG
1. Umiso Wenno Di Umiso: Ti sekreto iti umiso a panagbasa isut’ panangisierto nga umiso ti pannakaibalikas ti basbasaen, uray no medio naiduma dayta iti adda a naisurat. Ilawlawagyo. [be-IL p. 83]
2. Suratanyo Dagiti Blanko: Tapno umiso ti panagbasa ti maysa a tao, masapul nga ․․․․․․․․, ․․․․․․․․, ․․․․․․․․ ken ipigsana ti agbasa. [be-IL p. 85]
3. Apay a napateg ti nalawag a panagsao? (1 Cor. 14:8, 9) [be-IL p. 86]
4. Ania ti sumagmamano a makagapu iti di nalawag a panagsao, ket ania ti maaramidantayo tapno nalawlawag ti panagsaotayo? [be-IL p. 87-8]
5. Ania ti sumagmamano a sasao a nausar iti Teokratiko nga Eskuelaan ti Panagministro iti napalabas a dua a bulan a pagarupem a nasken nga ensayuem nga ibalikas a siuumiso? [be-IL p. 92]
PASET NUM. 1
6. Umiso Wenno Di Umiso: Makatulong dagiti matatayo iti panagimdengtayo. Ilawlawagyo. [be-IL p. 14]
7. Suratanyo Dagiti Blanko: Ti ․․․․․․․․, ․․․․․․․․, ken ․․․․․․․․ ket impaay ti Dios tapno agserbida amin a pangammo iti tiempo. [si-IL p. 279 par. 7]
8. Suratanyo Dagiti Blanko: Ti sao nga “aldaw” a nausar iti Biblia mabalin a tukoyenna ti ․․․․․․․․ nga oras, ․․․․․․․․ nga oras, ․․․․․․․․ a tawen, wenno ․․․․․․․․ sigun iti ipasimudaag ti kontekstona a pakayaplikaran ti depinasionna. [si-IL p. 279 par. 8]
9. Kasano a dagiti ulidan da Anna, Marcos, ken Elias tulongandatayo a mangdaer iti pannakaupay? Kasanotay nga usaren dagitoy a pagarigan a tumulong iti sabsabali? [w01-IL 2/1 p. 20-3]
10. Kasano a ti pannakaawat iti panagay-ayam idi un-unana ti mangilawlawag iti sumagmamano a bersikulo iti Biblia? Kasano ti panangapektar daytoy nga impormasion iti biagtayo? [w01-IL 1/1 p. 28-31]
LINAWAS A PANAGBASA ITI BIBLIA
11. Umiso Wenno Di Umiso: Yantangay naipasdek ti Pagarian ti Dios idiay langit idi 1914, saanen a maitutop nga ikararag ti, “Umay koma ti pagariam.” (Mat. 6:10) Ilawlawagyo. [be-IL p. 279; w96-IL 6/1 p. 31]
12. Umiso Wenno Di Umiso: Ti sasao ni Jesus a nailanad iti Mateo 11:24 kaipapananna a mapagungarto dagiti dinadael ni Jehova babaen ti apuy idiay Sodoma ken Gomorra. Ilawlawagyo.
13. Pilienyo ti Umiso a Sungbat: Ti matalek ken masirib nga adipen a dinakamat ni Jesus iti Mateo 24:45-47 ket isu (a) ti Bagi a Manarawidwid dagiti Saksi ni Jehova; (b) amin a napulotan a Kristiano kas maysa a grupo ditoy daga iti aniaman a nadakamat a panawen; (c) ni Jesu-Kristo a mismo. Daytoy nga adipen ti mangipapaay iti naespirituan a taraon iti umiso a tiempo kadagiti ‘katulong,’ nga irepresentar (a) dagiti napulotan kas indibidual; (b) ti sabsabali a karnero; (c) amin nga agbasbasa kadagiti Nakristianuan a publikasion. Ti adipen ti nangitalkan ti Apo iti amin a sanikuana idi tawen (a) 1914; (b) 33 K.P.; (c) 1919.
14. Pilienyo ti Umiso a Sungbat: Ti iket a nadakamat iti ilustrasion ni Jesus iti Mateo 13:47-50 inramanna agpadpada ti kongregasion dagiti napulotan a Kristiano ken (a) ti Mesianiko a Pagarian ti Dios; (b) ti kakaduada a sabsabali a karnero; (c) Kakristianuan.
15. Sigun iti sasao ni Jesus a nailanad iti Mateo 5:24, ania ti rumbeng nga aramidem no madlawmo a nasairmo ti maysa a kapammatiam? [g96-IL 2/8 p. 26-7]