Dagiti Pakaammo

◼ Literatura a tukon iti Pebrero: Mabalin nga itukon ti libro a Creation wenno ti libro a Tampok ti Apocalipsis. Marso: Maitukon ti libro a Pannakaammo ken ikagumaan a makairugi iti panagadal iti Biblia. Abril ken Mayo: Indibidual a kopia Ti Pagwanawanan ken Agriingkayo! No sumarungkar, dagiti agibumbunannag mabalinda nga itukon ti regular a panangitulodda kadagiti magasin, nga addaan kalat a mangirugi iti panagadal iti Biblia.

◼ Iti ngudo ti Pebrero, repasuen ti sekretario ken ti manangaywan iti serbisio ti nagapuanan dagiti amin a regular pioneer. Nakaireportdanto koman iti agarup 420 nga oras. No adda dagiti marigatan a mangragpat iti makalikaguman nga oras, iyurnos koma dagiti panglakayen ti panangtulong kadakuada tapno masupusopanda ti kurang nga orasda iti nabatbati pay nga innem a bulan ti tawen serbisio. Para kadagiti singasing, repasuenyo ti tinawen nga S-201 a surat a napetsaan iti Oktubre 1, 2002.

◼ Ti mamangulo a manangaywan wenno asinoman a dutokanna masapul nga usigenna ti kuenta ti kongregasion inton Marso 1 wenno iti kabiitan a panawen kalpasan dayta. No naaramiden daytoy, iyanunsio iti kongregasion kalpasan a maibasa ti sumaruno a report ti kuenta.

◼ Inton Domingo, Pebrero 16, 2003, addanto miting dagiti amin nga agpalplano nga ag-auxiliary pioneer iti bulan ti Marso, Abril, ken Mayo. Maparegta ti amin a tumabuno. Ti manangaywan iti serbisio ti mangidaulo iti daytoy a miting, a siguraduenna nga adda umdas nga Application for Auxiliary Pioneer Service a maibunong kadagiti amin a makimiting.

◼ Aniaman a gimong a gagangay a nakaeskediul iti Mierkoles, Abril 16, 2003, ket nasken a maangay iti sabali nga aldaw iti lawas ti Memorial.

◼ Ti espesial a palawag publiko a maangay inton Abril 27, 2003 ket napauluan iti “Dimteng Kadin ti Oras a Pannakaukom ti Babilonia?” Kadagiti kongregasion a mairana ti bisita ti manangaywan iti sirkito, aldaw ti espesial nga asamblea, wenno asamblea sirkito iti ngudo ti lawas ti Abril 26-27, 2003, maangay ti espesial a palawag inton Mayo 4, 2003.

◼ Baro a Publikasion a Magun-odan:

Umadanika ken Jehova​—Bicol, Cebuano, Hiligaynon, Iloko, Ingles, Pangasinan, Samar-Leyte, Tagalog, Tsino

Agdayawkayo iti Maymaysa a Pudno a Dios​—Cebuano, Hiligaynon, Iloko, Ingles, Pangasinan, Tagalog, Tsino

◼ Baro a Videocassette a Magun-odan:

Respect Jehovah’s Authority​—Ingles (Isu daytoy ti drama maipapan iti iyaalsa ni Kore a naipabuya kadagiti kombension distrito idi 2001-2.)