Eskediul ti Gimong ti Serbisio
Lawas ti Pebrero 10
10 min: Lokal a pakaammo. Napili a Pakaammo iti Ti Ministeriotayo iti Pagarian. Paregtaen ti amin a mangbuya iti video a Faithful Under Trials—Jehovah’s Witnesses in the Soviet Union kas panagsagana iti pannakasalaysay dayta a video iti Gimong ti Serbisio iti lawas ti Pebrero 24. Babaen ti panangusar kadagiti singasing iti panid 8, mangiparang iti dua a demostrasion no kasano nga itukon ti Pebrero 15 a Pagwanawanan ken ti Pebrero 22 nga Agriingkayo! Iti tunggal demostrasion, agparis nga itukon dagiti dua a magasin, uray no maysa laeng ti maitampok.
35 min: “Mangasaba ken Naan-anay a Mangsaksi.”a Paset ti manangaywan iti serbisio. Paregtaen dagiti amin a makabael nga ag-auxiliary pioneer-da inton Marso, Abril, ken Mayo. Pagkomentuen dagidiay nagpayunir iti panawen ti Memorial idi napan a tawen. Ania ti inaramidda tapno makapagpayunirda? Ania a panagregget ken panagbalbaliw ti inaramidda? Ania dagiti bendision a sinagrapda? Repasuen dagiti pagtuladan nga eskediul iti kahon iti panid 4. Iyanunsio nga adda dagiti aplikasion para iti panag-auxiliary pioneer a maala kalpasan ti gimong.
Kanta 30 ken pangserra a kararag.
Lawas ti Pebrero 17
10 min: Lokal a pakaammo. Report ti kuenta. Repasuen ti literatura a tukon iti Marso. Mangdakamat iti maysa wenno dua a singasing iti panangitukon iti libro a Pannakaammo nga usaren dagiti punto iti suplemento ti Mayo 2002 a Ti Ministeriotayo iti Pagarian. Ipaganetget ti kalat a makairugi kadagiti panangyadal iti Biblia.
35 min: “Naan-anay a Magunggonaan iti ‘Dagiti Naregta a Manangiwaragawag iti Pagarian’ a Kombension Distrito.” Paset ti konduktor ti Panagadal iti Pagwanawanan. Kalpasan ti maysa a minuto nga introduksion, pagsasaritaan ti tallaong ti programa ti kombension distrito, nga usarenyo dagiti saludsod iti artikulo. Kitaenyo a naimbag ti tiempo nga agpaay iti tunggal punto. Mabalin nga iraman dagiti ababa a komento tapno maipalagip dagiti kangrunaan a punto. No maitutop, pagsaludsodan dagiti agdengdengngeg no kasanoda nga inyaplikar dagiti nasursuroda ken no kasano a nagunggonaanda.
Kanta 57 ken pangserra a kararag.
Lawas ti Pebrero 24
10 min: Lokal a pakaammo. Ipalagip kadagiti agibumbunannag nga iteddan dagiti reportda para iti Pebrero. Babaen ti panangusar kadagiti singasing iti panid 8, mangiparang iti dua a demostrasion no kasano nga itukon ti Marso 1 a Pagwanawanan ken ti Marso 8 nga Agriingkayo! Iti tunggal demostrasion, agparis nga itukon dagiti dua a magasin, uray no maysa laeng ti maitampok.
10 min: “Naintiempuan a Tulong.” Palawag ti panglakayen. Ipaganetget a ti naisangsangayan a panangikagumaan a tumulong kadagiti di aktibo iyanninawna ti naayat a pannakaseknan ni Jehova iti ilina.
25 min: “Video a Manglawlawag ken Mangtukay Kadakayo!” Dagus nga irugi a pagsasaritaan kadagiti agdengdengngeg ti video a Faithful Under Trials, nga usarenyo dagiti naipaay a saludsod. Kitaenyo a naimbag ti tiempo nga agpaay iti tunggal saludsod tapno adda umdas a tiempo para iti sumagmamano a komento iti maudi a saludsod. Iti konklusion, basaenyo ti kahon iti panid 192 ti 2002 Tinawen a Libro. (Palagip: Kadagiti kongregasion nga awanan iti daytoy a video, mabalin nga ipalawag ti “No Kasano a Maparmek Dagiti Negatibo a Rikna,” a naibatay iti Abril 15, 2001 a Pagwanawanan, panid 22-4.)
Kanta 56 ken pangserra a kararag.
Lawas ti Marso 3
10 min: Lokal a pakaammo. Apagbiit a salaysayen ti “Baro nga Urnos Para Kadagiti Libraria ti Kingdom Hall.” Dakamaten no siasino ti nadutokan nga agaywan iti libraria ti Kingdom Hall.
15 min: Lokal a kasapulan.
20 min: “Ania ti Ipangpangrunayo?”b Isaksakbayyo nga ibaga iti maysa wenno dua nga agibumbunannag nga agkomentoda no ania dagiti panagbalbaliw nga inaramidda tapno ad-adu ti magapuananda iti ministerio.
Kanta 127 ken pangserra a kararag.
[Dagiti Footnote]
a Limitaran dagiti panglukat a komento iti awan pay maysa a minuto, sa isaruno ti saludsod ken sungbat a panangusig.
b Limitaran dagiti panglukat a komento iti awan pay maysa a minuto, sa isaruno ti saludsod ken sungbat a panangusig.