Dagiti Palagip Mainaig iti Memorial

Marambakan ti Memorial iti daytoy a tawen inton Mierkoles, Abril 16. Nasken nga asikasuen dagiti panglakayen dagiti sumaganad:

◼ Iti panangikeddeng iti oras ti taripnong, siguraduen a maipasa laeng ti emblema no limneken ti init.

◼ Mapakaammuan koma ti amin, agraman ti ispiker, maipapan iti eksakto nga oras ken lugar a pakaangayan ti Memorial.

◼ Magun-od ken maisagana koma ti maitutop a kita ti tinapay ken arak.—Kitaenyo ti Agosto 15, 1985, a Pagwanawanan, panid 19.

◼ Maiyeg ken maiplastar koma a nasaksakbay iti Kingdom Hall dagiti plato, baso, ken ti maitutop a lamisaan ken mantel.

◼ Antemano a madalusan koma a naimbag ti Kingdom Hall wenno ti sabali a lugar a pagtataripnongan.

◼ Mapili koma a nasaksakbay dagiti attendant ken mangipasa kadagiti emblema, ken maisuro kadakuada dagiti annongenda ken ti umiso a pamay-an a masurot. Nasken a nanakman ti kawes ken langada.

◼ Mayurnos koma a maserbian ti asinoman a napulotan a nakapuy ti salun-atna ket ngarud saan a makatabuno.

◼ No saan la a maymaysa a kongregasion ti nakaeskediul a mangusar iti maysa a Kingdom Hall, adda koma nasayaat a koordinasion dagiti kongregasion tapno maliklikan ti panaglilinnetlet iti lobby wenno pagserkan, iti pagnaan, ken iti pagparadaan. Aginggat’ mabalin, nasayaat no 45 minuto ti baet dagiti taripnong.