Repaso iti Teokratiko nga Eskuelaan ti Panagministro
Oral a mausig dagiti sumaganad a saludsod iti Teokratiko nga Eskuelaan ti Panagministro iti lawas a mangrugi iti Agosto 25, 2003. Mangikondukta ti manangaywan iti eskuelaan iti 30–minuto a repaso a naibatay iti material a saklawen dagiti paset para iti lawas ti Hulio 7 agingga iti Agosto 25, 2003. [Palagip: No awan dagiti reperensia kalpasan ti saludsod, dakayo a mismo ti agsukimat a mangbirok kadagiti sungbat.—Kitaenyo ti Eskuelaan ti Panagministro, p. 36-7.]
DAGITI KUALIDAD TI PANAGPALAWAG
1. Ania ti pagimbagan ti panangmatmat iti mata ti kasarsaritam iti ministerio? [be p. 125 par. 1-2; p. 125 kahon]
2. No agnernerbioska sakbay a mangasabaka, ania ti makatulong? [be p. 128 par. 4-5]
3. Ania ti makatulong kenka nga agsao a natural ken kasla makisarsarita no agpalpalawagka iti plataporma? [be p. 129 par. 2; p. 129 kahon]
4. Ania ti rumbeng nga epekto dagiti prinsipio iti Levitico 16:4, 24, 26, 28; Juan 13:10; ken Apocalipsis 19:8 no maipapan iti panaglanglangatayo, ken apay a napateg daytoy? [be p. 131 par. 3; p. 131 kahon]
5. Deskribirenyo ti tao a naemma ken ‘nasimbeng ti panunotna.’ (1 Tim. 2:9, 10) [be p. 132 par. 1]
PASET NUM. 1
6. Nupay masapul nga agiinnanus dagiti Kristiano, ania ti saanda nga anamongan? (Col. 3:13) [w01 7/15 p. 22 par. 7-8]
7. Umiso Wenno Di Umiso: Ti ordinal a numero ket kompleto a numero. Ilawlawagyo. [si p. 282 par. 24-5]
8. Ania ti kasayaatan a motibotayo a mangbasa iti Sao ti Dios, ken apay a napateg ti maaddaan iti kasta a motibo? [be p. 24 par. 1]
9. Kasano a ti masirib a tao “agurnong iti pannakaammo”? (Prov. 10:14) [w01 7/15 p. 27 par. 4-5]
10. Apay a naisangsangayan dagiti naimbag nga ugali ni Job? (Job 1:1, 8; 2:3) [w01 8/1 p. 20 par. 4]
LINAWAS A PANAGBASA ITI BIBLIA
11. Kasano a ‘napagkaykaysaan’ dagiti miembro ti bagi a manarawidwid a saan a makalikaguman ti pannakakugit dagiti manamati a Gentil tapno maisalakanda? (Ara. 15:25)
12. Apay nga imbilin ti bagi a manarawidwid a suroten ni Pablo ti sumagmamano a pagalagadan ti Linteg Mosaiko idinto ta winaswasen ni Jehova dayta a Linteg? (Ara. 21:20-26) [it-1 p. 481 par. 3; it-2 p. 1163 par. 6–p. 1164 par. 1]
13. Ania dagiti ulbod a pammabasolda idi ken apostol Pablo a mangipalagip kadatayo kadagiti komento a maibusor kadagiti Saksi ni Jehova iti kaaldawantayo? (Ara. 24:5, 6) [w01 12/15 p. 22 par. 7–p. 23 par. 2]
14. Kasano a nangipakita ni Pablo iti ulidan kas manangiwaragawag iti Pagarian uray idi sibabalud iti pagtaenganna iti dua a tawen? (Ara. 28:30, 31)
15. Kasano a dagiti “nangatngato nga autoridad” ket paset ti “urnos ti Dios,” ket ania ti rumbeng nga epekto daytoy kadagiti Kristiano? (Roma 13:1, 2) [w00 8/1 p. 4 par. 5]