Dagiti Pakaammo

◼ Literatura a tukon iti Pebrero: Maitukon ti libro nga Umadanika ken Jehova. Marso: Maitukon ti libro a Pannakaammo, nga addaan kalat a mangirugi kadagiti panangyadal iti Biblia. No addaanen dagiti tattao iti daytoy a publikasion, mabalin nga itukon ti Ipangagyo ti Padto ni Daniel! Abril ken Mayo: Indibidual a kopia Ti Pagwanawanan ken Agriingkayo! No sumarungkar kadagiti interesado, iraman dagidiay tumabuno iti Memorial wenno iti dadduma pay a teokratiko nga okasion ngem saan nga aktibo a makitimtimpuyog iti kongregasion. Ipamaysa ti panangipaima iti libro nga Agdayawkayo iti Dios ken ikagumaan ti mangirugi iti panagadal iti Biblia iti pagtaengan, nangruna kadagidiay nakalpasen iti libro a Pannakaammo ken ti broshur a Kalikaguman.

◼ Maipalawag inton Domingo, Abril 18, 2004, ti espesial a palawag publiko para iti 2004. Napauluan ti palawag iti “Bumilegkayo ken Agtalekkayo ken ni Jehova.” Addanto maited a balabala. Kadagiti kongregasion a mairana ti bisita ti manangaywan iti sirkito, asamblea sirkito, wenno aldaw ti espesial nga asamblea iti dayta a ngudo ti lawas, maangay ti espesial a palawag inton Abril 25, 2004. Kadagiti kongregasion a saan a Domingo ti pannakaangay ti miting publiko, mabalin nga iyeskediul ti espesial a palawag kadagiti aldaw manipud iti Abril 19 agingga iti 24, 2004.

◼ Mangrugi iti Marso, ti baro a palawag publiko para kadagiti manangaywan iti sirkito ket napauluan iti “Apay nga Agbutengkayo iti Pudno a Dios?”

◼ Iti ngudo ti Pebrero, repasuen ti sekretario ken ti manangaywan iti serbisio ti nagapuanan dagiti amin a regular pioneer. Nakaireportdanto koman iti agarup 420 nga oras iti umuna nga innem a bulan ti tawen serbisio. No adda dagiti saan pay a nakaabut iti dayta nga oras, tingitingen koma dagiti panglakayen no kabaelan dagiti payunir a litupan ti kurang nga orasda iti nabatbati nga innem a bulan ti tawen serbisio. No nababa unay ti orasda ken saanda a maabut ti makalikaguman a tinawen nga oras, mabalin nga isingasing dagiti panglakayen a sumardengda kas regular pioneer ken nalabit agserbida kas regular nga auxiliary pioneer.

◼ Ti mamangulo a manangaywan wenno siasinoman a dutokanna, sukimatenna ti kuenta ti kongregasion inton Marso 1 wenno iti kabiitan a panawen kalpasan dayta. No naaramiden daytoy, iyanunsio iti kongregasion kalpasan a maibasa ti sumaruno a report ti kuenta. Ibasa ti aniaman a kontribusion ti kongregasion para iti sangalubongan a trabaho ken iti dadduma pay a pondo nga agpaay iti organisasion.

◼ Inton Domingo, Pebrero 15, 2004, addanto miting dagiti amin nga agpalplano nga ag-auxiliary pioneer iti bulan ti Marso, Abril, ken Mayo. Maawis ti amin a tumabuno. Ti manangaywan iti serbisio ti mangidaulo iti miting, a siguraduenna nga adda umdas nga Application for Auxiliary Pioneer Service a maibunong kadagiti amin a makimiting.

◼ Dagiti Baro a Publikasion a Magun-odan:

Agsursuroka iti Naindaklan a Mannursuro—Bicol, Cebuano, Hiligaynon, Iloko, Ingles, Pangasinan, Samar-Leyte, Tagalog, Tsino

‘Kitaem ti Nasayaat a Daga’—Cebuano, Iloko, Ingles, Tagalog