Dagiti Pakaammo

◼ Literatura a tukon iti Abril ken Mayo: Indibidual a kopia Ti Pagwanawanan ken Agriingkayo! No sumarungkar kadagiti interesado, iraman dagidiay timmabuno iti Memorial wenno iti dadduma pay a teokratiko nga okasion ngem saan nga aktibo a makitimtimpuyog iti kongregasion. Ipamaysa ti panangipaima iti libro nga Agdayawkayo iti Dios ken ikagumaan ti mangirugi iti panagadal iti Biblia iti pagtaengan, nangruna kadagidiay nakalpasen iti libro a Pannakaammo ken ti broshur a Kalikaguman. Hunio: Ti baro a libro nga Agsursuroka iti Naindaklan a Mannursuro. No adda dagiti agkuna nga awan annakda, itukon ti broshur a Kalikaguman. Hulio ken Agosto: Mabalin nga itukon ti aniaman kadagiti broshur.

◼ Mabiiten a magun-odan ken mabalinen a pediduen dagiti tomo ti 2003 a Watchtower ken Awake! Nupay kasta, laglagipenyo nga special-request item dagitoy ken mapedido laeng no adda dagiti agibumbunannag nga agkiddaw kadagitoy. No naawaten dagiti pedido ngem di pay dimteng dagiti tomo, maipakitada kas “back-ordered” ken maipatulod kadakayo dagiti tomo no simmangpeten manipud Brooklyn.

◼ Kasapulan ti sanga nga opisina ti maaddaan iti umiso a rekord dagiti adres ken numero ti telepono dagiti amin a mamangulo a manangaywan ken sekretario. Kaanoman nga adda panagbalbaliw, ti Service Committee ti kongregasion masapul a suratan, pirmaan, ken ipatulodda a dagus iti sanga nga opisina ti porma a Presiding Overseer/Secretary Change of Address (S-29). Ramanen daytoy ti aniaman a panagbalbaliw dagiti area code ti telepono.

◼ Dagiti sekretario ti kongregasion kanayon koma nga addaanda iti umdas a suplay dagiti porma nga Application for Regular Pioneer Service (S-205) ken Application for Auxiliary Pioneer Service (S-205b). Mabalin a pediduen dagitoy iti Literature Request Form (S-AB-14). Adda koma umdas a suplayyo iti makatawen. Repasuenyo ti amin nga aplikasion dagiti ag-regular pioneer tapno masierto a kompleto ken umiso ti impormasion a naisurat kadagita, a pakairamanan ti petsa ti pannakabautisar ti aplikante.

◼ Baro nga Audiocassette a Magun-odan:

Agsursuroka iti Naindaklan a Mannursuro iti audiocassette—Ingles

◼ Baro a Compact Disc a Magun-odan:

Agsursuroka iti Naindaklan a Mannursuro iti compact disc—Ingles