Repaso iti Teokratiko nga Eskuelaan ti Panagministro
Oral a mausig dagiti sumaganad a saludsod iti Teokratiko nga Eskuelaan ti Panagministro iti lawas a mangrugi iti Abril 26, 2004. Mangikondukta ti manangaywan iti eskuelaan iti 30–minuto a repaso a naibatay iti material a saklawen dagiti paset para iti lawas ti Marso 1 agingga iti Abril 26, 2004. [Palagip: No awan dagiti reperensia kalpasan ti saludsod, dakayo a mismo ti agsukimat a mangbirok kadagiti sungbat.—Kitaenyo ti Eskuelaan ti Panagministro, p. 36-7.]
DAGITI KUALIDAD TI PANAGPALAWAG
1. No agpalawagtayo, apay a nasaysayaat no agusartayo iti balabala imbes nga agbasatayo iti manuskrito? [be p. 166 par. 3]
2. No agsaganatayo a mapan mangasaba, kasanotayo a mabukel iti panunottayo no ania ti ibagatayo? [be p. 167 par. 2]
3. Babaen ti panangusar iti Aramid 13:16-41 ken Aramid 17:2, 3, ilawlawagyo no kasano a ni Pablo ‘lohikal a pinaneknekanna a ni Jesus ket isu ti Kristo.’ (Aramid 9:22) [be p. 170 par. 2]
4. Ania dagiti sumagmamano a pagimbagan ti ekstemporaneo a panagpalawag? [be p. 175 par. 1-4]
5. Ania dagiti peggad a mabalin a parnuayen ti ekstemporaneo a panagpalawag, ket ania ti makatulong kadatayo tapno maliklikan dagita? [be p. 175 par. 5–p. 176 par. 3]
PASET NUM. 1
6. Sigun iti salaysay iti Genesis 32:24-32, ania ti inaramid ti 97 ti tawenna a ni Jacob tapno magun-odna ti bendision ni Jehova, ket ania ti isuro daytoy kadatayo? [w02 8/1 p. 29-31]
7. Ania ti kayat a sawen ti “abilidad nga agpanunot,” ket kasano a tulongannatayo tapno saantayo nga agbalin a di natimbeng ken saantayo a masaktan? (Prov. 1:4) [w02 8/15 p. 21-2]
8. Kasano nga aramaten dagiti agpalpalawag iti publiko ti Biblia kas pakaibatayan ti palawagda? [be p. 52 par. 6–p. 53 par. 5]
9. Tapno nabagas ti pannakailawlawag ti Kasuratan iti balabala ti palawag, ania ti nasken nga ikeddeng ti ispiker? [be p. 54 par. 2-4]
10. Apay a ni Jehova linawas ken binulan a pinakanna iti manna dagiti Israelita idiay let-ang, ket ania ti maadaltayo iti daytoy? (Deut. 8:16) [w02 9/1 p. 30 par. 3-4]
LINAWAS A PANAGBASA ITI BIBLIA
11. Kas mabasa iti Genesis 37:12-17, ania ti nagpadaan da Jose ken Jesus? [w87 5/1 p. 12 par. 12]
12. Kas mabasa iti salaysay iti Genesis 42:25-35, kasano a nangipakita ni Jose iti kinamanangngaasi a kas iti kinamanangngaasi nga impakita ni Jesus? [w87 5/1 p. 18 par. 10; p. 19 par. 17]
13. Kasano a dagiti probision nga ipapaay ti klase adipen ita ket umasping iti pannakaiwaras ti binukel idi kaaldawan ni Jose? (Gen. 47:21-25)
14. Iti panangikunana nga, “agbalinakto no anianto ti pagbalinak,” ania ti impalgak ni Jehova maipapan iti naganna? (Ex. 3:14, 15)
15. Sigun iti Exodo 16:2, 3, ania dagiti dua a kangrunaan a peggad ti panagtanabutob? [w93 3/15 p. 20-1]