Dagiti Pakaammo

◼ Literatura a tukon iti Nobiembre: Ti libro nga Agsursuroka iti Naindaklan a Mannursuro. No adda dagiti agkuna nga awan annakda, itukonyo ti broshur a Kalikaguman. Disiembre: Mabalin nga itukon ti aniaman kadagitoy a libro: Ti Katan-okan a Tao a Nagbiag Pay Laeng, Ti Biblia—Saot’ Dios Wenno iti Tao?, Ti Librok Dagiti Estoria ti Biblia, wenno Mabalinyo ti Agbiag nga Agnanayon iti Paraiso a Daga. Enero: Mabalin nga itukon ti aniaman a 192-panid a libro. Mainayon pay, mabalin a magun-odan iti Bethel dagiti sumaganad a daan a libro ken idagadagmi kadagidiay mabalin a mangusar kadagita nga agpedidoda para iti daytoy a kampania: Ti Kinapudno a Mangiturong iti Biag nga Awan Inggana ken Ti Pudpudno a Talna ken Talged—Sadino ti Paggapuanna? iti Bicol; Mabalinyo ti Agbiag nga Agnanayon iti Paraiso a Daga, bassit nga edision iti Bicol, Pangasinan, ken Samar-Leyte ken dakkel nga edision iti Cebuano ken Iloko; Kinaragsak—No Kasano a Biruken Dayta iti Iloko; Good News to Make You Happy ken Panagimdeng iti Naindaklan a Mannursuro iti Samar-Leyte. Pebrero: Maitukon ti libro nga Umadanika ken Jehova.

◼ Ti mamangulo a manangaywan wenno siasinoman a dutokanna sukimatenna ti kuenta ti kongregasion inton Disiembre 1 wenno iti kabiitan a panawen kalpasan dayta. Iyanunsio iti kongregasion no naaramiden daytoy.

◼ Addanto mayurnos a kompleto a programa para kadagiti tuleng iti Kingdom Hall ti Bethel iti Quezon City inton Nobiembre 19-21, 2004. Tumabuno koma iti daytoy a kombension ti siasinoman a tuleng a makaawat iti sign language, tangay awan ti programa para kadagiti tuleng iti dadduma a kombension.

◼ Dagiti Kontribusion iti Kombension Distrito: Amin a gastos kadagiti kombension, a pakairamanan ti abang ti istadium, pannakaisagana ti entablado ken sound system, kasta met ti gastos iti pannakaipablaak ti aniaman a baro a publikasion a mairuar, ket aggapu kadagiti boluntario a donasion iti sangalubongan a trabaho. Masiguradomi a sipapanunotkayo iti daytoy inton tumabunokayo. Maitinnag dagiti kontribusion kadagiti kahon a maiplastar iti tunggal kombension.

◼ Panagpasiar iti Bethel: Dagidiay agpalplano nga agpasiar iti Bethel a sanga-bus wenno grupo ti 20 a tattao wenno ad-adu pay, agsuratda koma a nasaksakbay iti “Bethel Tours Department” iti sanga nga opisina, nga ibagada ti petsa ti isasangpetda. Gapu iti limitado a pagparadaan iti Bethel, mabalin a nasken a baliwanyo ti petsa ti panagpasiaryo tapno saan nga adu unay a bus ti umay iti maymaysa nga aldaw. Dagidiay aggapu iti adayo a probinsia saanda koma nga iplano ti sumangpet iti Bethel iti nasapsapa ngem 8:00 ti bigat. No asidegkayon iti Manila sakbay dayta nga oras, isingasingmi a sumardengkayo kadagiti paggasolinaan iti expressway. Iti kasta, adda gundawayyo nga agusar kadagiti kasilias wenno nalabit makapagsukatkayo pay sakbay a mapankayo iti Bethel. Sakbay a sumarungkarkayo, pangngaasiyo ta repasuenyo ti “Saludsod” iti Hunio 2002 a Ti Ministeriotayo iti Pagarian maipapan iti umiso a kawes ken panaglanglanga no sumarungkar kadagiti pagtaengan a Bethel.

◼ Baro a Publikasion a Magun-odan:

Watch Tower Publications Index 2003—Ingles

Dadakkel ti letrana nga edision, Baro a Lubong a Patarus ti Nasantuan a Kasuratan—Cebuano, Iloko, Tagalog

(Palagip: Daytoy a Biblia ket addaan iti simbolo a bi8 ken naglaon iti marhinal a reperensia a kas met laeng iti bi12. Ti dadakkel a letrana ket makatulong unay iti personal a panagadal, nalaka a basaen dagidiay nakapuy ti panagkitada, ken nasayaat nga ikabil iti libraria ti Kingdom Hall.)