Annadanyo
Dagiti Singasing a Presentasion iti Panangitukon Kadagiti Broshur
Iti daytoy a suplemento, naipaay dagiti nadumaduma a singasing a tumulong kadakayo a mangisagana kadagiti presentasion iti panangitukon kadagiti broshur. Mabalin a baliwan dagitoy sigun kadagiti lokal a kasasaad. Mabalin met nga usaren dagiti dadduma pay a presentasion. Dagiti presentasion iti panangitukon kadagiti broshur a saan a nadakamat iti daytoy a suplemento ket mabalin nga isagana babaen ti panangtulad kadagiti sumaganad a singasing.—Kitaenyo ti Enero 2005 a Ti Ministeriotayo iti Pagarian, p. 8.
Tunggal singasing iti daytoy a panid ramanenna (1) ti mamagpanunot a saludsod a pangirugi iti saritaan, (2) no ania a paset ti broshur ti pakasarakan iti impormasion nga ibagbagatayo, ken (3) ti maitutop a teksto a mabalin nga ibasa bayat ti saritaan. Mabalinyo nga usaren ti bukodyo a sasao a mangituloy iti presentasion, sigun iti reaksion ti makasaritayo.
Libro Para iti Amin a Tao
“Iti panagkunayo, naglaon ngata ti Biblia iti balakad a praktikal iti kaaldawantayo?”—p. 22, kapsion; p. 23, par. 3 ti kahon; Prov. 25:11.
Makapnek a Biag—No Kasano a Masagrap
“Kayat dagiti tattao iti intero a lubong ti maaddaan iti nasaysayaat a biag. Iti panagkunayo, posible ngata ti maaddaan iti pudpudno a makapnek a biag?”—p. 29, par. 6; 2 Ped. 3:13.
Tagiragsakenyo ti Biag nga Agnanayon Ditoy Daga!
“Patien ti adu a tattao a mapanda idiay langit tapno tagiragsakenda ti biag nga agnanayon, ngem ania ti makunayo iti panagbiag nga agnanayon ditoy daga?”—Ilustrasion iti akkub; Apoc. 21:4.
Rumbeng Aya a Patienyo ti Trinidad?
“Nadumaduma ti kapanunotan dagiti tattao maipapan iti pudno a kasasaad ti Dios. Iti panagkunayo, napateg kadi no ania ti patpatientayo?”—p. 3, par. 3, 7-8; Juan 17:3.
Ti Nasantuan a Nagan nga Agtalinaed iti Agnanayon
“Ammo ti kaaduan kadatayo ti kararag a mangrugi iti ‘Amami nga addaka sadi langit, madaydayaw koma ti naganmo.’ (Mat. 6:9, Ti Biblia, Edision ti Philippine Bible Society) Ngem ammoyo kadi a ti pannakaisalakantayo ket agpannuray iti panangammotayo iti dayta a nagan?”—p. 28, par. 1; Roma 10:13.
Ti Gobierno a Mangiyegto iti Paraiso
“Tartarigagayan ti adu a tattao ti solusion dagiti parikut a pakaipaspasanguantayo ita. Panagkunayo addanto ngata gobierno a makabael a mangrisut kadagitoy a parikut?”—p. 3, par. 1; Mat. 6:9, 10.
Ania ti Mapasamak Kadatayo no Mataytayo?
“No adda matay a patpatgentayo, gagangay a panunotentayo no sadino ti ayanda ken no makitatayto manen ida. Naisalsaludsodyo kadin dagita?”—Dagiti saludsod iti makinlikud nga akkub; Job 14:14, 15.
No Adda Matay nga Ay-ayatenyo
“Iranranudmi daytoy a broshur a nangted iti liwliwa ken namnama kadagiti riniwriw a tattao a natayan kadagiti patpatgen iti biag. Pinampanunotyo kadin no ania ti namnama dagiti natay?”—p. 27, par. 3; Juan 5:28, 29.
“Inut-utobyo kadin no kasano a liwliwaen dagiti natayan iti patpatgen?”—p. 20, par. 1; Prov. 17:17.