Repaso iti Teokratiko nga Eskuelaan ti Panagministro
Oral a mausig dagiti sumaganad a saludsod iti Teokratiko nga Eskuelaan ti Panagministro iti lawas a mangrugi iti Pebrero 27, 2006. Mangikondukta ti manangaywan iti eskuelaan iti 30-minuto a repaso a naibatay iti material a saklawen dagiti paset para iti lawas ti Enero 2 agingga iti Pebrero 27, 2006. [Palagip: No awan dagiti reperensia kalpasan ti saludsod, dakayo a mismo ti agsukimat a mangbirok kadagiti sungbat.—Kitaenyo ti Eskuelaan ti Panagministro, p. 36-7.]
DAGITI KUALIDAD TI PANAGPALAWAG
1. Kadagiti ania a pamay-an a makatulong kadatayo ti Teokratiko nga Eskuelaan ti Panagministro a ‘mangidaton iti Dios ti sakripisio ti panagdaydayaw ken mangaramid iti publiko a panangideklara iti naganna’? (Heb. 13:15) [be p. 5 par. 3–p. 6 par. 1]
2. Apay nga ikagumaantayo ti agbasa a siuumiso? [be p. 83 par. 1–p. 84 par. 1]
3. Apay a napateg ti nalawag a panagsao no makisarsarita ken mangisursurotayo? [be p. 86 par. 1-6]
4. Apay a nasken ti umiso a panagibalikas ken ania dagiti bambanag a masapul a tandaanan? [be p. 89 par. 1–p. 90 par. 3, kahon]
5. Ania dagiti sumagmamano a singasing a makatulong kadatayo nga agbalin a naan-annayas nga agsao? [be p. 94 par. 4-5, kahon]
PASET NUM. 1
6. Kasano a patalgedan ti 2 Cronicas 36:17-23 ti kinaumiso ti padto ti Biblia? [si p. 84 par. 35]
7. Ania dagiti agsasaruno a pasamak a namagbalin a posible para kadagiti Judio a makasubli iti nakayanakanda a daga idi 537 K.K.P. tapno ibangonda manen ti balay ni Jehova? [si p. 85 par. 1-3]
8. Kasano a ti libro nga Esdras inalangonna ni Jehova kas pudno a Dios ken patanorenna ti panagtalek kenkuana? [si p. 87 par. 14, 18]
9. Apay a nasken iti kronolohia ti Biblia ti “maikaduapulo a tawen ni Artaxerxes nga ari”? (Neh. 2:1, 5, 6, 11, 17, 18) [si p. 88 par. 2, 5]
10. Apay a ni Nehemias ket nasayaat a pagwadan dagiti adipen ti Dios ita? [si p. 90 par. 16-17]
LINAWAS A PANAGBASA ITI BIBLIA
11. Ti kadi Urim ken ti Tummim, a mausar idi no kasapulanda ti sungbat ni Jehova, ket adda kadagiti nagsubli manipud iti pannakaidestieroda idiay Babilonia? (Esd. 2:61-63)
12. Apay nga adu a Judio idiay Babilonia ti madi a kumuyog ken ni Esdras nga agsubli idiay Jerusalem? (Esd. 7:28–8:20)
13. Kasano a naibangon manen ti pader babaen ti maysa laeng nga ima? (Neh. 4:17, 18)
14. Apay a nangipatulod ni Sanballat “iti silulukat a surat” ken ni Nehemias idinto ta masansan a maikabkabil dagiti kompidensial a surat iti naselioan a supot? (Neh. 6:5)
15. Malaksid iti ‘panagsapulna iti biddut,’ kas iti inaramidna idi kadagiti piprinsipe ken babaknang, ania pay a panangatur ti inaramid ni Nehemias kadagiti Judio a nagsubli iti dakes nga aramidda? (Neh. 13:25, 28)