Eskediul ti Gimong ti Serbisio

Lawas ti Marso 13

Kanta 41

10 min: Lokal a pakaammo. Dagiti napili a Pakaammo iti Ti Ministeriotayo iti Pagarian. Usaren dagiti singasing iti panid 4 wenno ti dadduma pay a presentasion a maitutop iti teritoriayo a mangidemostra no kasano nga itukon ti Marso 15 a Pagwanawanan ken ti Marso nga Agriingkayo! Iti ngudo ti tunggal presentasion, ti agibumbunannag awisenna ti bumalay a tumabuno iti Memorial babaen ti panangipakitana iti makinlikud nga akkub ti magasin nga itukonna.

15 min: “Tulonganyo Dagiti Sabsabali a Magunggonaan iti Subbot.”a Ti sumaruno a paset ilawlawagna a naimbag no kasano a mausartayo ti panid 206-8 ti libro nga Isursuro ti Biblia no awisentayo dagiti tattao a tumabuno iti Memorial.

20 min: Ti Pangrabii ti Apo—Panglaglagip a Pakaidayawan ti Dios. Saludsod-ken-sungbat a panangusig a naibatay iti panid 206-8 ti libro nga Isursuro ti Biblia. Iti introduksion nga awan pay maysa a minuto, ipakitayo no kasano nga idatag ti topiko iti bumalay babaen ti panangbasa iti umuna a parapo. Kalpasanna awisenyo ti tallaong a mangsungbat kadagiti sumaganad a saludsod a di maibasa dagiti parapo: (par. 2) Kaano nga inyussuat ni Jesus ti Panglaglagip iti ipapatayna? (par. 3) Mamin-ano nga angayen ti Pangrabii ti Apo? (par. 4) Ania ti kuna ti Biblia maipapan iti Memorial? (par. 5) Kasano nga ammotayo a saan a pinagbalin ni Jesus a literal a lasagna ti tinapay ken saanna a pinagbalin a darana ti arak? (par. 6) Ania ti isimsimbolo ti awan lebadurana a tinapay? (par. 7) Ania ti itakderan ti nalabaga nga arak? (par. 8) Siasino laeng ti mabalin a mangan iti tinapay ken uminum iti arak? (par. 9) Kaano a maangay ti Memorial iti tunggal tawen, ken apay a rumbeng a tumabunotayo? Itampokyo dagiti kangrunaan a teksto no ipalubos ti oras. Paregtaenyo ti amin a mangilawlawag iti daytoy nga impormasion kadagiti mayad-adalan iti Biblia ken kadagiti dadduma pay nga awisenda a tumabuno iti Memorial babaen ti panangbasa kadagiti parapo, panangusig kadagiti kangrunaan a punto, ken panangusar kadagiti simple a saludsod kas kadagiti nadakamat iti daytoy a paset.

Kanta 134 ken pangserra a kararag.

Lawas ti Marso 20

Kanta 18

10 min: Lokal a pakaammo. Repasuen dagiti kangrunaan a punto iti kahon a “Dagiti Palagip Mainaig iti Memorial.”

23 min: Ti Akem ni Kristo iti Urnos ti Dios. Palawag a naibatay iti Organisado a Mangaramid iti Pagayatan ni Jehova, panid 10-13. No usigenyo ti umuna a dua a parapo iti baba ti subtitulo a “No Ania ti Akem ni Kristo,” isingasing ken idemostrayo iti uneg ti tallo wenno uppat a minuto no kasano nga usaren ti imbitasion ti Memorial. Repasuen dagiti singasing iti Pebrero 2006 a Ti Ministeriotayo iti Pagarian, panid 3, parapo 3.

12 min: Napabileg Babaen ti Panangsukimat Kadagiti Kasuratan iti Inaldaw. Palawag ken pagsasaritaan ti tallaong a naibatay iti pakauna ti Panangsukimat Kadagiti Kasuratan iti Inaldaw—2006. Paidemostra iti maysa a pamilia ti panangusig iti teksto ken kadagiti komento.

Kanta 103 ken pangserra a kararag.

Lawas ti Marso 27

Kanta 44

15 min: Lokal a pakaammo. Ipalagip kadagiti agibumbunannag nga iteddan ti reportda iti serbisio iti tay-ak iti Marso. Ibasa ti report ti kuenta ken iyebkas ti panagyaman kadagiti donasion. Usaren dagiti singasing iti panid 4 a mangidemostra no kasano nga itukon ti Abril 1 a Pagwanawanan ken ti Abril nga Agriingkayo! Ipakitayo met no kasano nga usaren ti nakaimprenta nga imbitasion a mangawis kadagiti interesado a tumabuno iti Memorial.

10 min: Ti Dios Kadi Pay Laeng ti Agturay? Palawag ken demostrasion a naibatay iti makinlikud nga akkub ti Abril 1, 2006 a Pagwanawanan. Gundawayanyo ti tunggal oportunidad a mangawis kadagiti tattao a tumabuno iti espesial a palawag publiko. Siguraduenyo nga awisen ti amin a mayad-adalan iti Biblia agraman dagiti miembro ti pamiliada a saan a makipagad-adal. Rumbeng nga awisentayo dagiti amin nga am-ammotayo nga interesado ken ti dadduma pay a makasabaantayo. Idemostra no kasano nga usaren ti Abril 1 a Pagwanawanan no awisentayo ti nagbalin a di aktibo wenno saanen a makigimgimong.

20 min: Lokal a kapadasan. Paisalaysay iti tallaong dagiti kapadasanda a nangitukon iti libro nga Isursuro ti Biblia bayat ti Marso. Itampok dagiti nairugi a panagadal iti Biblia. Mabalin nga idemostra ti maysa wenno dua a naisangsangayan a kapadasan.

Kanta 170 ken pangserra a kararag.

Lawas ti Abril 3

Kanta 199

15 min: Lokal a pakaammo. Repasuenyo iti apagbiit ti artikulo a “Tagiragsakenyo ti Panangadaltayo iti Ania a Talaga ti Isursuro ti Biblia?” iti panid 6 ti Pebrero 2006 a Ti Ministeriotayo iti Pagarian. Iturongyo ti atension iti eskediul ti panagadal iti libro nga Isursuro ti Biblia. Ipakitayo met no kasano nga usaren ti nakaimprenta nga imbitasion a mangawis kadagiti interesado a tumabuno iti Memorial.

10 min: Lokal a kasapulan.

20 min: “Isuroyo Dagiti Naemma a Magna iti Dalan ti Dios.”b Iraman dagiti komento a naibatay iti Hulio 1, 2004 a Pagwanawanan, panid 16, parapo 9.

Kanta 93 ken pangserra a kararag.

[Dagiti Footnote]