Eskediul ti Gimong ti Serbisio

Lawas ti Enero 8

Kanta 12

10 min: Lokal a pakaammo. Paregtaen ti amin a buyaenda ti video a No Blood—Medicine Meets the Challenge kas panagsagana iti diskusion a maangayto iti Gimong ti Serbisio iti lawas ti Enero 22. Usaren dagiti singasing iti panid 8 wenno ti dadduma pay a presentasion a maitutop iti teritoriayo a mangidemostra no kasano nga itukon ti Enero 15 a Pagwanawanan ken ti Enero nga Agriingkayo!

15 min: Magunggonaan iti Panangsukimat Kadagiti Kasuratan iti Inaldaw. Palawag ken pagsasaritaan ti tallaong a naibatay iti pakauna ti Panangsukimat Kadagiti Kasuratan iti Inaldaw—2007. Ilawlawagyo no apay a nasken a mangilatang ti amin iti sumagmamano a minuto a mangusig iti teksto ken dagiti komento iti tunggal aldaw. Mangyurnos a nasaksakbay iti maysa wenno dua nga agkomento maipapan iti rutinada a mangusig iti teksto ken no kasano a nagunggonaanda. Ingudo babaen ti ababa a panangilawlawag iti teksto para iti tawen 2007.

20 min: Idanonyo ti Naimbag a Damag Kadagiti Amin a Tattao. Palawag ken pagsasaritaan ti tallaong a naibatay iti Organisado a Mangaramid iti Pagayatan ni Jehova, panid 92 agingga iti subtitulo iti panid 102.

Kanta 165 ken pangserra a kararag.

Lawas ti Enero 15

Kanta 93

10 min: Lokal a pakaammo. Dagiti napili a Pakaammo iti Ti Ministeriotayo iti Pagarian.

15 min: Adda Kadi Manglaplapped Kadakayo? Palawag ti maysa a panglakayen a naibatay iti Abril 1, 2002 a ruar Ti Pagwanawanan, panid 13-15.

20 min: “Saanak nga Interesado.”a No mapagsasaritaan ti parapo 4, pagkomentuenyo ti tallaong no ania dagiti damag a pakaseknan dagiti tattao iti teritoriayo. Paidemostra ti dua nga ababa a presentasion a mangipakita no kasano a sungbatan ti agkuna, “Saanak nga interesado.”—Kitaenyo ti libro a Pannakirinnason, p. 16.

Kanta 135 ken pangserra a kararag.

Lawas ti Enero 22

Kanta 224

10 min: Lokal a pakaammo. Ibasa ti report ti kuenta ken iyebkas ti panagyaman kadagiti donasion. Usaren dagiti singasing iti panid 8 wenno ti dadduma pay a presentasion a maitutop iti teritoriayo a mangidemostra no kasano nga itukon ti Pebrero 1 a Pagwanawanan ken ti Pebrero nga Agriingkayo!

10 min: Lokal a kasapulan.

25 min: “Ania ti Kasayaatan a Pannakaaywan ti Salun-at?” Iparang ti maysa a panglakayen. Irugiyo a dagus ti diskusion iti video a No Blood babaen ti panangusar kadagiti saludsod a naipaay iti artikulo. Ingudoyo babaen ti panangbasa iti maudi a parapo ken paregtaenyo ti amin a repasuenda a naimbag dagiti nadakamat nga artikulo ti Pagwanawanan.

Kanta 188 ken pangserra a kararag.

Lawas ti Enero 29

Kanta 55

7 min: Lokal a pakaammo. Ipalagip kadagiti agibumbunannag nga iteddan ti reportda iti serbisio iti tay-ak iti Enero. Dakamaten ti literatura a tukon iti Pebrero ken paidemostra ti maysa a presentasion.

15 min: “Nakasaganakayo Kadin No Adda Mapagteng a Didigra?”b Iparang ti maysa a panglakayen. Iraman dagiti komento ti artikulo a “Kasanotayo a Makatulong” iti panid 1 ti Oktubre 2006 a Ti Ministeriotayo iti Pagarian.

23 min: “Kasano ti Panangmatmatko Kadagiti Babbabassit a Kapaset ti Dara ken iti Panangagas a Pakausaran ti Mismo a Darak?”c Saludsod-ken-sungbat a panangusig ken demostrasion. Ti panglakayen a mangiparang iti daytoy surotenna koma a naimbag ti balabala nga impatulod ti sanga nga opisina para iti bagi dagiti panglakayen.

Kanta 137 ken pangserra a kararag.

Lawas ti Pebrero 5

Kanta 3

10 min: Lokal a pakaammo.

15 min: Maysaak a Saksi ni Jehova! Palawag ken pagsasaritaan ti tallaong. Agkedked ti dadduma nga agtutubo a mangipabigbig iti bagida kas Saksi ni Jehova gapu ta maamakda amangan no umsien ida dagiti kakaduada. Ngem adu ti pagimbaganna no ibagam a maysaka a Saksi. No dagiti mannursuro ammoda no ania dagiti patpatiem, mabalin a raemenda dagita ken saandaka a piliten a makipaset iti banag a saan a maitutop. Dagiti awanan prinsipio nga agtutubo agpangaduada a mangawis kenka a makiraman iti dakes nga aramid. Dagiti dadduma nalaklakada met a maawatan dagiti pangngeddengmo mainaig kadagiti banag a kas iti pannakideyt wenno pannakiraman kadagiti isport ken iti sabali pay a saan nga akademiko nga aktibidad iti eskuelaan. Agbalinkanto payen a natured a mangasaba iti eskuelaan wenno saankanton a mabain uray no adda makitam a kaklasem bayat ti panangasabayo iti teritoriayo. (g02 3/22 p. 12) Pagkomentuen dagiti agibumbunannag no kasanoda a nagunggonaan iti panangipabigbigda iti bagida kas Saksi ni Jehova iti eskuelaan. Mabalin a kasarita a nasaksakbay ti maysa wenno dua nga agkomento.

20 min: “Ayat—Tulbek ti Nabunga a Ministerio.”d Iraman dagiti komento iti Pebrero 1, 2003 a Pagwanawanan, panid 23, parapo 16-17.

Kanta 83 ken pangserra a kararag.

[Dagiti Footnote]