Dagiti Pakaammo

◼ Literatura a tukon iti Abril ken Mayo: Itukon ti indibidual a kopia Ti Pagwanawanan ken Agriingkayo! No sumarungkar kadagiti interesado, agraman kadagidiay timmabuno iti Memorial ngem saanda nga aktibo a makitimtimpuyog iti kongregasion, ikagumaanyo nga ipaima ti libro nga Isursuro ti Biblia nga addaan kalat a mangirugi iti panangyadal iti Biblia. Hunio: Itukon ti libro a Kinaragsak iti Pamilia. Hulio ken Agosto: Mabalin nga itukon ti aniaman kadagiti broshur.

◼ Mabiiten a magun-odan ken mabalinen a pediduen dagiti tomo ti 2006 a Pagwanawanan ken Agriingkayo! (iti Ingles). Nupay kasta, laglagipenyo nga special request item dagitoy ken mapedido laeng no adda dagiti agibumbunannag nga agkiddaw kadagitoy. No naawaten dagiti pedido ngem di pay dimteng dagiti tomo, maipakita dagitoy kas “back-ordered” ken maipatulod kadakayo dagiti tomo apaman a sumangpet manipud Brooklyn.

◼ Saan a patgan ti sanga nga opisina ti indibidual a pedido dagiti agibumbunannag iti literatura. Iyurnos ti mamangulo a manangaywan ti maysa a pakaammo iti kada bulan sakbay a maipatulod iti sanga nga opisina ti binulan a pedido para iti literatura ti kongregasion tapno amin nga interesado a maaddaan iti personal a kopia ti literatura mapakaammuanda ti kabsat a mangas-asikaso iti literatura. Diyo koma liplipatan no ania kadagiti publikasion ti special request item.

◼ Kas palagip, saan koma a pulos a mausar ti adres ti sanga nga opisina iti aniaman a personal a surat. Ramanen daytoy dagiti amin a surat ken literatura a maipatulod tapno mangasaba kadagiti interesado nga agnanaed kadagiti nasulinek a lugar. Mabalin nga usaren ti agibumbunannag ti adresna yantangay karaman iti ministeriona ti personal a panagserbina iti Dios. (Mat. 28:19, 20; Roma 10:14, 15) Ngem no saan a nainsiriban nga usarenna ti adresna no mangasaba babaen ti surat, mabalinna nga usaren ti naganna ken ti adres ti Kingdom Hall.—Kitaenyo ti “Saludsod” iti Mayo 2002 a Ti Ministeriotayo iti Pagarian.