Kasanom nga Usaren ti Biagmo?
1 No dadduma, maisalsaludsod kadagiti ubbing, “Ania ti kayatmo a pagbalinan inton dumakkelka?” No maysaka a lalaki, kayatmo kadi idi ti agbalin a doktor? inheniero? manangaywan iti sirkito? Wenno no maysaka a babai, kayatmo kadi idi ti agbalin a maestra? nars? misionera? Ita ta dakkelkan, nasken nga iyimtuodmo ti sabali pay a saludsod, ‘Kasanok nga usaren ti biagko?’ Nakasaganaka kadin nga agdesision?
2 Nangaramid ti organisasion ni Jehova iti DVD a Young People Ask—What Will I Do With My Life? tapno matulonganka a mangaramid iti kasayaatan a desision. Buyaen ken utobem a naimbag dagiti amin a linaonna, a pakairamanan ti drama, interbiu, ken kanayonan a material. Makitam dagiti linaonna iti kahon a “Main Menu.”
3 Ti Drama: Bayat a buybuyaem ti drama, usigem dagitoy a saludsod: (1) Ania dagiti pagpadaan da Timoteo, a nadakamat iti Kristiano a Griego a Kasuratan, ken ni Andre? (Ara. 16:1; 1 Tim. 4:8; 2 Tim. 1:5) (2) Kasano a napilit ni Andre nga agbalin a nalaing iti isport, ken siasino ti nangkombinsir kenkuana? (3) Siasino ti nagbalin a nasayaat nga impluensia kada Timoteo ken Andre, ken kadagiti ania a wagas? (2 Tim. 1:1-4; 3:14, 15) (4) Ania ti epektona ken ni Andre ti balakad iti Mateo 6:24 ken Filipos 3:8, ket ania met ti epektona kenka?
4 Dagiti Napili nga Eksena (Selected Scenes): Kalpasan a mabuyam ti intero a drama, buyaem manen dagiti sumaganad nga eksena, ken sungbatam dagitoy a saludsod. “Paul and Timothy” (Ni Pablo ken Timoteo): Ania ti maudi nga indagadag ni Pablo ken ni Timoteo? (2 Tim. 4:5) “Giving Jehovah Your Best” (Panangipaay iti Amin a Kabaelam ken ni Jehova): Ania dagiti naespirituan a kalatmo? “Taking a Stand for Jehovah” (Dumasig ken ni Jehova): Pagtaudan ti napaypayso a kinaragsak? “Grandmother’s Advice” (Balakad ti Apong a Baket): Ania ti pagdaksan ti panagbalin a nalatak iti lubong ni Satanas? (Mat. 4:9) “No Regrets” (Awan ti Pagbabawyan): Ania ti natakuatam a makatulong kenka a makasarak iti pannakapnek iti biag?—Prov. 10:22.
5 Dagiti Interbiu (Interviews): Bayat ti panangbuyam kadagiti sumaganad a benneg, ania ti nakitam a makatulong kenka a mangipaay iti amin a kabaelam ken ni Jehova? (1) “Dedication to Vain Pursuits or to God? (Panangipamaysa Kadagiti Ubbaw nga Aramid Wenno Panagmatalek iti Dios?)” (1 Juan 2:17); (2) “Learning to Enjoy Your Ministry (Panagsursuro a Mangtagiragsak iti Ministerio),” (Sal. 27:14); ken (3) “An Open Door to Service (Silulukat a Ruangan nga Agturong iti Panagserbi).”—Mat. 6:33.
6 Pananglagip iti Napalabas (Looking Back): Masungbatam kadi? (1) Ania dagiti karera a ragragpaten ti kabsat a lalaki ken babai, ken apay? (2) Kasano ti kaballigida? (3) Ania ti namagbalbaliw iti biag ti tunggal maysa kadakuada? (2 Cor. 5:15) (4) Ania dagiti teokratiko a karera a nangsandi kadagiti dati a karerada, ken apay a naikunada a saanda a mabalin a paggiddanen dagita? (5) Adda kadi panagbabawida gapu ta sabalin ti nakaipamaysaan ti biagda? (6) Ania ti naibagada a nangnangruna a namagpanunot kenka no kasanom nga usaren ti biagmo?
7 Kanayonan nga Interbiu (Supplementary Interviews): Iti tunggal benneg, ania ti nasursurom a mabalinmo nga aramiden tapno ad-adda a makapagserbika a naan-anay ken ni Jehova? (1) “The Value of Personal Study (Ti Pateg ti Personal a Panagadal),” (2) “Alternative Witnessing (Dadduma Pay a Pamay-an ti Panangasaba),” (3) “Bethel Service (Panagserbi iti Bethel),” (4) “Gilead Missionary Training.” (5) “Ministerial Training School.”—Repasuem ti “Index to Published Information on Related Subjects (Indise Dagiti Naipablaak nga Impormasion Maipapan Kadagiti Mainaig a Topiko),” ken basaem ti ad-adu pay nga impormasion maipapan kadagiti banag a paginteresam unay.
8 Naikeddengmo kadin no kasanom nga usaren ti biagmo? Indagadag ni Pablo ken ni Timoteo: “Utobem dagitoy a banag; maipamaysaka kadakuada, tapno ti panagrang-aymo maiparangarang iti amin a tattao.” (1 Tim. 4:15) Idagadagmi nga aramidem met dayta iti nabuya ken nangngegmo iti daytoy a DVD. Kiddawem ken ni Jehova a tulongannaka a mangaramid iti nainsiriban a desision a pudpudno a mangipaay kenka iti rag-o ken pannakapnek kasta met iti makagunggona ken naragsak a masakbayan.
[Kahon iti panid 6]
MAIN MENU
Play Drama
Scenes (11 selections)
Interviews
Play All
Sections (3 selections)
Looking Back
Supplementary Material
Supplementary Interviews
Index to Published Information on Related Subjects
Subtitles
Hearing Impaired
None
Tapno mabuyam amin nga adda iti menu, usarem dagiti button a Next ▶, ◀ Back, ken Main Menu.