Repaso iti Teokratiko nga Eskuelaan ti Panagministro

Oral a mausig dagiti sumaganad a saludsod iti Teokratiko nga Eskuelaan ti Panagministro iti lawas a mangrugi iti Agosto 27, 2007. Mangikondukta ti manangaywan iti eskuelaan iti 30-minuto a repaso a naibatay iti material a saklawen dagiti paset para iti lawas ti Hulio 2 agingga iti Agosto 27, 2007.

DAGITI KUALIDAD TI PANAGPALAWAG

1. Kasano a maipakitatayo ti panagraem kadagiti sabsabali iti ministerio ken iti kongregasion? [be p. 192 par. 2-4]

2. Ania ti kasapulan tapno maiparangarangtayo ti kombiksion no agsaotayo? [be p. 196 par. 1-3]

3. Ania ti sumagmamano a singasing a makatulong kadatayo nga agbalin a nataktika no mangasabatayo? [be p. 198 par. 1-5]

4. Kasano a ti panagbalin a nataktika ramanenna ti maitutop a tiempo no mangasabatayo kadagiti sabsabali? (Prov. 25:11) [be p. 199 par. 1-3]

5. Kasano a mataginayontayo a positibo dagiti palawagtayo? [be p. 203 par. 3–p. 204 par. 2]

PASET NUM. 1

6. Ania ti maikuna maipapan iti pannakaisurat ti Ezequiel, ket autentiko ken nairaman kadi kadagiti katalogo ti libro nga Ezequiel? [si p. 133 par. 3]

7. Ania a kualidad ti nasken tapno maibturan ti maysa a tao ti kinaawan hustisia? [w05 6/1 p. 29 par. 4]

8. Ania ti masursurotayo iti sungbat ni Jesus iti saludsod dagiti Saduceo maipapan iti panagungar? (Luc. 20:37, 38) [be p. 66 par. 4]

9. No damagen ti maysa nga estudiante ti Biblia wenno kapammatian no ania ti aramidenna iti espesipiko a situasion, kasano ti isusungbatyo? [be p. 69 par. 4-5]

10. Ania ti ramanen ti ‘pannakapabaro iti puersa a mangtigtignay iti panunotyo’? (Efe. 4:23) [be p. 74 par. 4]

LINAWAS A PANAGBASA ITI BIBLIA

11. Iti Ezequiel 9:2-4, siasino ti iladladawan ti lalaki a sikakawes iti lienso, ken ania ti ipamatmat ti “marka kadagiti muging”? [w88 9/15 p. 14 par. 18]

12. Kasano a dagiti narelihiosuan a lider ti Kakristianuan mayarigda kadagiti “maag a mammadto, a sumursurot iti bukodda nga espiritu,” a nailadawan iti Ezequiel 13:3? [w99 10/1 p. 13]

13. Iti panangyebkas iti “pagkukuna a proverbio” a nailanad iti Ezequiel 18:2, ania ti ikagkagumaan nga aramiden dagiti Israelita, ken ania a napateg a leksion ti naitampok maipapan iti kaadda ti sungsungbatan? [w88 9/15 p. 18 par. 10]

14. Kasano a nagbalin nga “umel” ni Ezequiel bayat ti pannakalakub ken pannakadadael ti Jerusalem? (Ezeq. 24:27; 33:22) [w03 12/1 p. 29]

15. Asino ti “Gog iti daga ti Magog,” ken kaano nga agtignay a mangdadael iti ili ni Jehova? (Ezeq. 38:2, 16) [w97 3/1 p. 14 par. 1–p. 15 par. 3]