Repaso iti Teokratiko nga Eskuelaan ti Panagministro

Mausig dagiti sumaganad a saludsod iti Teokratiko nga Eskuelaan ti Panagministro iti lawas a mangrugi iti Pebrero 28, 2011. Mangikondukta ti manangaywan iti eskuelaan iti 20-minuto a repaso a naibatay iti material a saklawen dagiti paset para iti lawas ti Enero 3 agingga iti Pebrero 28, 2011.

1. Ania a trabaho ti inyusuat ni Ezekias iti rugrugi ti panagturayna, ken kasanotay a matulad ita? (2 Cron. 29:16-18) [w09 6/15 p. 9 par. 13]

2. Kasano a pasingkedan ti 2 Cronicas 36:21 ti pannakatungpal ti padto a nailanad iti Jeremias 25:8-11? [w06 11/15 p. 32 par. 1-4]

3. Kasano a pasingkedan ti Esdras 3:1-6 ti Nainkasuratan a pammaneknek a nagpatingga iti naikeddeng a tiempo ti 70 a tawen a panaglangalang ti Jerusalem? [w06 1/15 p. 19 par. 2]

4. Apay a naklaat ni Esdras idi naammuanna a nangasawa dagiti Judio kadagiti saanda a kailian? (Esd. 9:1-3) [w06 1/15 p. 20 par. 1]

5. Siasino “dagiti nadaeg,” ken ania a kababalinda ti saantay a tuladen? (Neh. 3:5) [w06 2/1 p. 10 par. 1; w86 2/15 p. 25]

6. Apay a maysa ni Gobernador Nehemias a nasayaat nga ulidan para kadagiti Kristiano a manangaywan? (Neh. 5:14-19) [si p. 90 par. 16]

7. Kasanotay a matulad dagiti Israelita idi kaaldawan ni Nehemias a di ‘nangliway iti balay ti Diostayo’? (Neh. 10:32-39) [w98 10/15 p. 21-22 par. 12]

8. Ti panangutob iti kabibiag ni Nehemias tignayennatay a mangyimtuod iti bagitayo kadagiti ania a saludsod? (Neh. 13:31) [w96 9/15 p. 17 par. 3]

9. Naaddaan kadi ni Ester iti imoral a relasion ken ni Ari Asuero? (Ester 2:14-17) [w91 1/1 p. 31 par. 6]

10. Apay a saan a nagkurno ni Mardokeo ken Haman? (Ester 3:2, 4) [it-2-E p. 431 par. 7]