No Kasano nga Usaren ti Porma a Please Follow Up (S-43)

Suratanyo daytoy a porma no adda masarakanyo nga interesado a saan nga agnanaed iti teritoriayo wenno ganggannaet ti lenguahena. Iti napalpalabas, us-usarentayo daytoy a porma no adda makasabaantayo a ganggannaet ti lenguahena interesado man wenno saan. Ngem ita, usarentayo laengen daytoy no interesado ti makasabaantayo. Ngem no tuleng ti makasabaantayo, interesado man wenno saan, masapul a suratantayo ti porma nga S-43.

Ania ti aramidentayo no nasuratantayon ti porma? Masapul nga itedtayo daytoy iti sekretario ti kongregasion. No ammona no ania a kongregasion ti pangipatulodanna, ipatulodna latta daytan kadagiti panglakayen iti dayta a kongregasion tapno mayurnosda no siasino ti mangtulong iti interesado. No saanna nga ammo ti pangipatulodanna iti porma, ipatulodna dayta iti sanga nga opisina.

No gangannaet ti lenguahe ti interesado a tao nga agnanaed iti teritoriayo, itultuloyyo latta a sarungkaran tapno parayrayenyo ti interesna agingga nga adda sumarungkar kenkuana nga agibumbunannag iti kongregasion a kasta ti lenguahena.—Kitaenyo ti Nobiembre 2009 a Ti Ministeriotayo iti Pagarian, panid 4.