“Mano nga Oras ti Ireportko?”

Naisalsaludsodmo kadin dayta? Dagiti pagannurotan ket masarakan iti panid 86-87 ti libro nga Organisado. Sagpaminsan nga adda maipapaay a kanayonan nga instruksion, kas iti “Saludsod” iti Setiembre 2008 a Ti Ministeriotayo iti Pagarian. Yantangay agduduma ti kasasaadtayo, awan ti naipaay nga atiddog a listaan dagiti pagannurotan. Gapuna, dagiti panglakayen wenno dagiti dadduma ket saan a maitutop a mangaramid kadagiti kanayonan a pagannurotan.

No adda tumaud a saludsod ket awan ti naipablaak nga instruksion maipapan iti dayta, mabalin nga usigen ti tunggal agibumbunannag: Ti kadi oras ket nabusbos iti ministerio? Wenno nausar dayta iti sabali a banag nga awan ti pakainaiganna iti dayta a trabaho? Ti koma isurattayo iti pagreportan iti tunggal bulan ket mangted kadatayo iti rag-o saan a mangsidir iti konsiensiatayo. (Ara. 23:1) Siempre, ti kangrunaan a pakaseknantayo ket saan a ti panangbilang iti oras no di ket no kasano ti epektibo a panangusartayo iti oras babaen ti napinget a pannakiramantayo iti ministerio.—Heb. 6:11.