Ti Video a Young People Ask—What Will I Do With My Life? (Paset 1)
Bayat nga agmatmataengan dagiti agtutubo, masapul a mangaramidda kadagiti napapateg a desision. Naaramid ti video a Young People Ask—What Will I Do With My Life? a tumulong kadakuada a mangaramid iti dayta. Iti main menu, pilienyo ti Play Drama, sa sungbatanyo dagiti saludsod iti parapo 2. Kalpasanna, pilienyo ti Interviews iti main menu, sa pilienyo ti Looking Back, ken sungbatanyo dagiti saludsod iti parapo 3.
Drama: (1) Ania dagiti pagpadaan ti kasasaad ni Timoteo iti adu nga agtutubo a Kristiano ita? (2) Kasano a napilit ni Andre nga agbalin a nalaing iti isport? (3) Ania ti imbaga ni Kabsat Fleissig ken ni Andre maipapan (a) iti panagbalin a dedikado ken ni Jehova ken iti isport? (Mat. 6:24) (b) iti gubuayan ti pudpudno a ragsak? (c) iti ipalagip kenkuana ti malukong manipud iti kampo konsentrasion? (d) kadagiti tattao iti retrato a kaduada ken ni baketna? (e) iti saanna a panangituloy a mangragpat iti arapaapna? Nagbabawyanna kadi dayta? (Fil. 3:8) (4) Ania ti insungbat ti apong ni Andre iti saludsodna a “Dakes kadi ti agbalin a nalatak a tumataray?” (Luc. 4:5-7) (5) Idi nangabak ni Andre iti lumba, nakarikna kadi iti pudno a pannakapnek? (6) Ania ti magustuam iti maudi a surat ni Kabsat Fleissig para ken ni Andre? (Prov. 10:22) (7) Ania ti naamiris ni Andre babaen iti tulong ni Kabsat Fleissig?
Looking Back: (8) Ania dagiti karera a rinagpat dagiti kakabsat, ken apay? (9) Kasano ti kaballigida iti dayta a karera? (10) Ania ti nakatulong kadakuada a mangbalbaliw iti karerada? (2 Cor. 5:15) (11) Ania a nateokratikuan a karera ti insukatda iti dati a karerada, ken apay a maikunada a saanda a mapaggiddan ti dua a karera? (12) Nagbabawyanda kadi dayta? (13) Ania dagiti naibagada a namagpanunot kenka no ania ti aramidem iti biagmo?
Buyaenyo ti dadduma pay nga interbiu ken kanayonan a material, ken sisasaganakayo koma nga agkomento inton mausig dayta iti Gimong ti Serbisio iti umay a lawas.