Ti Video a Young People Ask—What Will I Do With My Life? (Paset 2)
Iti main menu ti video a Young People Ask—What Will I Do With My Life? pilienyo ti Interviews, sa pilienyo ti Sections. Kalpasan a mabuyayo ti tallo a benneg, usarenyo dagiti saludsod iti parapo 2 kas repaso. Kalpasanna, iti main menu pilienyo ti Supplementary Material ken kalpasan a mabuyayo ti lima a kanayonan nga interbiu, sungbatanyo dagiti saludsod iti parapo 3 kas repaso.
Sections—Dedication to Vain Pursuits or to God: (1) Ania dagiti kalat a maipilpilit a ragpaten dagiti agtutubo? (2) Kasano a makatulong ti 1 Juan 2:17 kadagiti agtutubo a mangikeddeng no kasano kangato nga adal ti ragpatenda? (3) Apay a saantayo nga ipalubos a ti buteng ti mangigawid kadatayo nga agpabautisar? (4) Ania ti sumagmamano a banag a tumulong kadatayo a makakualipikar nga agpabautisar? Learning to Enjoy Your Ministry: (5) Apay nga adda dagiti saan a mangtagtagiragsak iti ministerio? (6) Ania ti sumagmamano a banag a makatulong kadatayo? (7) Ania ti ad-adda a kabuteng dagiti dadduma ngem iti pannakisarita kadagiti saanda nga am-ammo, ken apay? (8) Kasanotayo a maparmek ti buteng ken mapatanor ti tured a mangasaba? (9) Apay a napateg a patanoren ti abilidadtayo iti ministerio? An Open Door to Service: (10) Kasano a ti panagpayunir luktanna ti adu a gundaway tapno rumang-aytayo iti naespirituan? (Fil. 3:16) (11) Apay nga adda dagiti agkedked nga agpayunir? (12) Ania dagiti Nainkasuratan a prinsipio a makatulong tapno saantay unay a madanagan iti pinansial? (13) Ania ti inaramid dagiti dadduma tapno adda pangsuportada iti bagida bayat ti panagpayunirda? (14) Ania ti mabalin nga aramiden no saan a makapagpayunir ti maysa gapu ta saan nga ipalubos ti kasasaadna?
Supplementary Material—The Value of Personal Study: (15) Apay a napateg ti nasayaat a rutina ti personal a panagadal? Alternative Witnessing (panangasaba iti publiko ti awagna itan): (16) Kasano a ti pannakiraman iti nagduduma a pamay-an ti panangasaba parayrayenna ti rag-otayo? Bethel Service: (17) Ania ti sumagmamano kadagiti rag-o nga itden ti panagserbi iti Bethel? Ministerial Training School: (18) Kasano a nagunggonaan dagiti nagturpos iti daytoy nga eskuelaan (maawagan itan iti Bible School for Single Brothers)? Gilead Missionary Training: (19) Kasano a nagsagana da Peter ken Fiona para iti panagserbida kas misionero, ken kasanoda a nagunggonaan iti panageskuelada iti Gilead?