Dagiti Pakaammo

◼ Literatura a tukon iti Nobiembre ken Disiembre: Mabalin nga itukon ti aniaman kadagitoy a tract: Asidegen nga Agpatingga ti Amin a Panagsagaba!, Tagiragsakenyo ti Biag ti Pamilia, Daytoy Kadi a Lubong Makalasatto?, wenno ti Aniat’ Namnama Kadagiti Ing-ingungoten a Natayen? No adda mangipakita iti interes, ikagumaanyo ti mangirugi iti panangyadal iti Biblia babaen ti tract a Kayatmo Kadi a Maammuan ti Kinapudno? wenno ti libro nga Isursuro ti Biblia. Enero ken Pebrero: Mabalin nga itukon ti maysa kadagiti sumaganad a 32 ti panidna a broshur: Pudno Aya a Maseknan ti Dios Kadatayo?, Ania ti Panggep ti Biag?, wenno Mabalinmo ti Makigayyem iti Dios! No adda mangipakita iti interes, ikagumaanyo ti mangirugi iti panangyadal iti Biblia, nga usarenyo ti aniaman kadagitoy a broshur. No sumarungkarkayo, iruanganyo ti libro nga Isursuro ti Biblia ken ikagumaanyo ti mangipasdek iti regular a panangyadal iti Biblia.

◼ Mabalin a baliwan ti eskediul iti gimong para iti lawas sakbay ti kombension distritoyo tapno repasuenyo ti balakad ken dagiti palagip maipapan iti itatabuno iti kombension. Maysa wenno dua a bulan kalpasan ti kombensionyo, mabalin nga usaren ti benneg a lokal a kasapulan iti panangrepaso kadagiti punto iti kombension a napaneknekan dagiti agibumbunannag a makatulong unay iti ministerio.

◼ Kas nailanad iti suplemento ti Setiembre a ruar Ti Ministeriotayo iti Pagarian, pangngaasiyo ta itugotyo iti pagkombensionan ti amin a saanyo a naiwaras nga imbitasion tapno mausar iti di pormal a panangasaba wenno itedyo iti maysa kadagiti paraasistir.