Pagtuladan a Presentasion

Panangirugi iti Panangyadal iti Biblia iti Umuna a Sabado iti Disiembre

“Kadagitoy a panawen, adu manen a tattao ti makalagip ken Jesus. Iti panagkunayo, ania ti kadakkelan a naaramidan ni Jesus? [Palubosanyo a sumungbat.] Panunotenyo ti paulo ti artikulo iti panid 16.” Itedyo iti bumalay ti Disiembre 1 a Pagwanawanan, sa usigenyo ti material iti babaen ti maysa a subtitulo ken ti uray maysa laeng kadagiti naisitar a teksto. Ipaimayo dagiti magasin, sa ibagayo nga agsublikayto tapno pagsaritaanyo ti sumaruno a saludsod.

Ti Pagwanawanan Disiembre 1

“Kayat ti adu a tattao ita nga ipakita ti kaipapanan ti Krismas. Iti panagkunayo, ania kadagitoy ti nangnangruna a kaipapanan ti Krismas? [Ipakitayo ti listaan iti panid 3 sa palubosanyo a sumungbat. Sa ukagen ti kaibatogan nga artikulo ken basaen ti pannakatema a teksto.] Ipakita daytoy a magasin dagiti praktikal a pamay-an a manglaglagip ken ni Jesus saan laeng nga iti panawen ti Krismas no di ket iti intero a makatawen.”

Agriingkayo! Disiembre

“Adu ita ti mais-stress ken marigrigatan. Mapalpaliiwyo kadi a saan a makaan-anus dagiti tattao ita? [Palubosanyo a sumungbat.] Patien ti dadduma nga agbibiagtayon iti narigat a panawen a naipadto iti 2 Timoteo 3:1. [Basaenyo.] Ilawlawag daytoy a magasin no apay a makadangran ti saan a makaan-anus ken mangipaay iti singasing no kasano ti agbalin a naan-anus.”