Repaso iti Teokratiko nga Eskuelaan ti Panagministro

Kasano a ti salaysay iti 2 Ar-ari 13:18, 19 iyilustrarna ti kinapateg ti naregta ken naimpusuan a panagserbi iti Dios? [Sept. 7, w10 4/15 p. 26 par. 11]

Asino ti agdama nga agturay iti Israel idi nagserbi ni Jonas kas propeta, ken ania ti maapresiartayo iti ministerio ni Jonas sigun iti 2 Ar-ari 14:23-25? [Sept. 7, w09 1/1 p. 25 par. 4]

Kasano nga impakita ni Acaz ti saanna a panagtalek iti sao ti Dios babaen ken propeta Isaias, ken ania ti isaludsodtayo iti bagitayo no agaramidtayo kadagiti napateg a desision? (2 Ar. 16:7) [Sept. 14, w13 11/15 p. 17 par. 5]

Ania ti inusar ni Rabsaque a taktika nga us-usaren met ita dagiti bumusbusor iti ili ti Dios, ken ania a kualidad ti makatulong kadatayo a mangilaksid iti di umiso a panagrasrason dagiti bumusbusor? (2 Ar. 18:22, 25) [Sept. 14, w10 7/15 p. 13 par. 3-4]

Kasano a ti ulidan ni Josias iti kinapakumbaba tulongannatayo a magunggonaan a naan-anay iti panagbasa ken panagadal iti Biblia? (2 Ar. 22:19, 20) [Sept. 21, w00 3/1 p. 30 par. 2]

Kasano a patalgedan ti arkeolohia a nagbiag ti dua nga ari a nadakamat iti 2 Ar-ari 25:27-30? [Sept. 28, w12 6/1 p. 5 par. 2-3]

Ania ti tallo a kiniddaw ni Jabez ken ni Jehova, ken ania ti masursurotayo maipapan iti kararag? (1 Cron. 4:9, 10) [Okt. 5, w10 10/1 p. 23]

Kasano a ti nagbanagan ti gubat a nadakamat iti 1 Cronicas 5:18-22 patibkerennatayo nga agtultuloy a situtured a makilaban iti naespirituan? [Okt. 12, w05 10/1 p. 9 par. 7]

Apay a naawatan ken rinaem ni David ti kababagas ti linteg ni Jehova mainaig iti kinasagrado ti dara? Gapu iti ulidan ni David, matignaytayo nga agaramid iti ania? (1 Cron. 11:17-19) [Okt. 19, w12 11/15 p. 6-7 par. 12-14]

Ania ti saan nga inaramid ni David idi panggepna nga iyakar ti lakasa ti tulag idiay Jerusalem, ken ania ti maadaltayo iti dayta a salaysay? (1 Cron. 15:13) [Okt. 26, w03 5/1 p. 10-11 par. 11-13]