Itultuloy nga Usaren Dagiti Magasin

Manipud idi 2018, maysa laengen a topiko ti naitampok iti tunggal ruar dagiti publiko nga edision dagiti magasin. Amin dagitoy a magasin ket paset iti Toolbox iti Panangisuro isu a mabalintayo nga usaren dagitoy iti ministerio. Mabalintayo met ti mangitugot iti sumagmamano a magasin no agbiahe wenno ag-shopping-tayo. Saan a nadisenio dagitoy a magasin a pangyadal iti Biblia kadagiti tattao, ngem mabalin a mariingna ti interesda nga agsursuro maipapan iti Dios.

No mairugin ti saritaan, mangibasa iti teksto sa mangdakamat iti maysa a topiko iti magasin a mabalin a paginteresan ti kasarsarita. Kas pagarigan, no pamiliado, agladladingit, wenno mais-stress, mabalinmo nga ibaga: “Adda nabiit pay a nabasak a nasayaat nga artikulo maipapan iti dayta. Mabalin kadi nga ipakitak?” No madlawmo nga interesado, ikkam iti nayimprenta a kopia ti magasin wenno patulodam iti elektroniko a kopia uray iti damo pay laeng a panagsaritayo. Agpayso a saan a ti panangipaima iti magasin ti kangrunaan a panggeptayo, ngem makatulong dagiti magasin tapno mabirokantayo dagiti mayat a mangyaplikar kadagiti nasursuroda.—Ara 13:48.

2018

2019

2020