‘Tignayennatayo ti ayat ti Kristo.’—2Co 5:14
PANAGBIAG KAS KRISTIANO
Makapag-auxiliary Pioneer-ka Kadi iti Marso Wenno Abril?
Kayatmo kadi nga ad-adu pay ti maaramidam iti panagserbi ken Jehova iti panawen ti Memorial? (2Co 5:14, 15) Iti Marso ken Abril, dagiti auxiliary pioneer mabalinda a pilien no 30 wenno 50 nga oras ti abutenda. No kabaelam ti makiraman, mangipasaka iti aplikasion iti Komite ti Serbisio ti Kongregasion. Kada bulan, maipakaammo iti kongregasion dagiti naaprobaran nga auxiliary pioneer, iti kasta, masuportaran ti kongregasion dagiti payunir iti ministerio. Gundawayantayo koma amin ti panawen ti Memorial a mangasa iti abilidadtayo a mangasaba ken agpipinnaregta.—1Te 5:11.