Piliem a Naimbag Dagiti Gagayyemmo

Makasursuro dagiti Kristiano iti napasamak iti Israel iti tanap ti Moab. (1Co 10:6, 8, 11) Nasulisog nga agaramid iti dakes dagiti Israelita a nakikadkadua kadagiti immoral ken agdaydayaw iti idolo a babbai a Moabita. Nagdakes ti nagbalin a resultana. (Nu 25:9) Napalikmutantayo kadagiti katrabahuan, kaeskuelaan, kaarruba, kabagian, ken dadduma pay nga am-ammotayo a saan nga agdaydayaw ken Jehova. Ania ti masursurotayo iti daytoy a salaysay ti Biblia maipapan kadagiti pagdaksan ti pannakigayyem kadagiti saan nga agdaydayaw ken Jehova?

BUYAEN TI VIDEO A WARNING EXAMPLES FOR OUR DAY—EXCERPT, SA SUNGBATAN DAGITOY:

• 

  Ania a di umiso a kapanunotan ti imbaga da Zimri ken ti dadduma pay ken Jamin?

• 

  Kasano a tinulongan ni Finehas ni Jamin tapno balanse ti panangkitana iti bambanag?

• Ania ti nagdumaan ti panangipakita iti kinaimbag kadagiti saan a Saksi ken ti pannakigayyem kadakuada?

• Apay a masapul nga agannadtayo no agpilitayo iti pakigayyemantayo uray iti kongregasion?

• Apay a saantayo a makiraman kadagiti group chat iti social media dagiti tattao a saantayo nga am-ammo?