AGBALIN A MAS EPEKTIBO ITI MINISTERIO | NAYONAM TI RAGSAKMO ITI MINISTERIO
Tulongam Dagiti Iyad-adalam iti Biblia a Makigimong
Dagiti gimong ket nagpateg a paset ti nadalus a panagdaydayaw. (Sal 22:22) Amin nga agtataripnong tapno agdaydayaw ken Jehova ket agbalin a naragsak ken mabendisionan. (Sal 65:4) Masansan a naparpartak a rumang-ay dagiti mayad-adalan iti Biblia no regular a makigimongda.
Kasanom a tulongan dagiti iyad-adalam iti Biblia a makigimong? Kanayonmo ida nga awisen a makigimong. Ipabuyam ti video nga Ania ti Maar-aramid iti Kingdom Hall? Ilawlawagmo no ania dagiti maitulong dagiti gimong. (lff leksion 10) Mabalinmo nga iyestoria ti maysa a punto a nasursurom iti gimong wenno mangibagaka iti padaananna iti sumaruno a gimong. Ikkam dagiti iyad-adalam kadagiti publikasion a maus-usar iti gimong. Mangaramidka met kadagiti praktikal a tulong. Baka kasapulanda ti pagluganan a mapan makigimong. Sulit ti amin nga inaramidmo no makigimongen ti iyad-adalam iti umuna a gundaway.—1Co 14:24, 25.
BUYAEN TI VIDEO A TULONGAM DAGITI IYAD-ADALAM ITI BIBLIA A MAKIGIMONG SA SUNGBATAN DAGITOY:
Ania nga oportunidad ti inusar ni Neeta tapno maawisna ni Jade a makigimong?
Apay a naragsaktayo no makigimong ti maysa nga iyad-adalan iti Biblia?
“Talaga nga adda kadakayo ti Dios”
Ania ti napadasan ni Jade idi damona ti makigimong?