Tulongan Dagiti Iyad-adalan iti Biblia a Mangisardeng iti Narugit nga Ar-aramid

Dagiti laeng nadalus iti moral ti maaddaan iti nadekket a relasion ken Jehova. (1Pe 1:14-16) Bayat a balbaliwan dagiti mayad-adalan iti Biblia dagiti dakes nga aramidda, mabalin a makitada ti nasayaat nga epekto dayta iti pamilia, salun-at, ken pinansial.

Ilawlawagyo dagiti paglintegan ni Jehova iti moral, no apay a masapul nga aramidenda dagita, ken dagiti pagsayaatanna no surotenda dagita. Kanayon a tulonganyo dagiti iyad-adalanyo a mangbalbaliw iti panagpampanunotda tapno maaramidda ti kayat ni Jehova. (Efe 4:22-24) Ipasiguradoyo nga iti tulong ni Jehova, kayada a balbaliwan dagiti nayugalidan a dakes nga aramid. (Fil 4:13) Isuroyo nga ipakaasida ti tulong ni Jehova no masulisogda nga agbasol. Tulonganyo ida a mangilasin kadagiti makasulisog a situasion a masapul a liklikanda. Paregtaenyo ida a mangaramid kadagiti makagunggona nga aktibidad tapno masukatan dagiti narugit nga aramidda. Naragsaktayo no makitatayo a nakapagbalbaliw dagiti iyad-adalantayo iti Biblia iti tulong ni Jehova.

BUYAEN TI VIDEO A TULONGAM DAGITI IYAD-ADALAM ITI BIBLIA A MANGISARDENG ITI NARUGIT NGA AR-ARAMID, SA SUNGBATAN DAGITOY:

• 

  Kasano nga impakita dagiti panglakayen ken ni Neeta nga agtalekda ken Jade?

• 

  Ania pay ti inaramid ni Neeta tapno matulonganna ni Jade?

• 

  Kasano a nagpatulong ni Jade ken Jehova?