Awatem ti Tulong ni Jehova Babaen ti Panagkararag

Ni Jehova ti mangpatubo ken mangpadakkel iti bukel ti kinapudno iti puso ti maysa a tao. (1Co 3:6-9) Tapno ngarud agballigitayo iti ministerio, masapul nga agtalektayo a tulongannatayo ni Jehova ken dagiti iyad-adalantayo iti Biblia.

Ikararagmo ken Jehova a tulonganna dagiti iyad-adalam a mangibtur kadagiti pakarigatan ken mangsango kadagiti lapped. (Fil 1:9, 10) Agbalinka nga espesipiko. Dawatem ti nasantuan nga espiritu tapno idalanna ti pampanunot ken ar-aramidmo. (Lu 11:13) Isurom dagiti iyad-adalam iti Biblia no kasano ti agkararag, ken paregtaem ida a mangaramid iti dayta. Inaganam dagiti iyad-adalam iti Biblia no ikararagam ida ken makipagkararagka kadakuada.

BUYAEN TI VIDEO A PADASEM TI RAGSAK NGA IYEG TI PANAGARAMID ITI ADALAN—AWATEM TI TULONG NI JEHOVA—KARARAG, SA SUNGBATAN DAGITOY:

• Ania ti nakasubokan ni Neeta idi agad-adalda ken Jade?

• Kasano a nakatulong ken Neeta ti 1 Corinto 3:6?

• Kasano a napagballigian ni Neeta ti nakasubokanna?