Agsaludsod

Ni Jehova, “ti naragsak a Dios,” kayatna a naragsaktayo iti ministerio. (1Ti 1:11) Ad-adda a naragsaktayo no pasayaatentayo dagiti abilidadtayo. Mangriing iti interes ti panagsaludsod ken makairugitayo iti saritaan iti natural a pamay-an. No agsaludsodtayo, matignay dagiti tattao nga agpanunot ken sumungbat. (Mt 22:41-45) No agsaludsod ken dumngegtayo, kasla ibagbagatayo iti kasarsaritatayo, ‘Napategka kaniak.’ (San 1:19) Makatulong ti sungbat ti kasarsaritatayo tapno ammotayo ti kasayaatan nga ibagatayo.

BUYAEN TI VIDEO A PADASEM TI RAGSAK NGA IYEG TI PANAGARAMID ITI ADALAN—PARANG-AYEM DAGITI ABILIDADMO—AGSALUDSOD, SA SUNGBATAN DAGITOY:

• 

  Ania dagiti nasayaat a kababalin nga impakita ni Jade?

• 

  Kasano a nagusar ni Neeta kadagiti saludsod tapno maipakitana ti personal nga interes?

• 

  Kasano a nagusar ni Neeta kadagiti saludsod tapno ad-adda pay nga aginteres ni Jade iti naimbag a damag?

• 

  Kasano a nagusar ni Neeta kadagiti saludsod tapno agpanunot ken sumungbat ni Jade?