Pakasarakam Ita iti Mapangnamnamaan a Tulong no Agdesisionka?

Nagpartak nga agbalbaliw ti lubongtayo. Kasanoka a makasigurado a nasayaatto ti resulta dagiti desisionmo? Masiguradom kadi a dagiti maibilang nga umiso ita ket maibilangto pay la nga umiso inton bigat?

Makatulong ti Biblia tapno saanmonto a pagbabawyan dagiti desisionmo. Apay? Ti Biblia ket naggapu iti Namarsua kadatayo, ken ammona no kasano nga agbalin a pudpudno a naragsak ken natalged ti biagtayo.

Mapagtalkantayo dagiti makatulong a balakad manipud iti Biblia ta “kanayon a mapangnamnamaan . . . ita ken iti agnanayon.”—Salmo 111:8.

Kayatmo kadi a maammuan no kasano a matulongannaka ti Biblia iti daytoy agbaliwbaliw a lubong?