Nagtulnogkami Ket Saankami a Natay!

IDI Enero 19, 1999, gapu iti kumarkaro a panagbinnusor dagiti Muslim ken Kristiano, adda napasamak a panaglalaban agarup tallo a kilometro manipud iti balaymi. Nakagulgulo ti situasion.a

Idi nasiguradokon a saan a naan-ano ti pamiliak, tinawagak ti dadduma a kakabsat tapno ammuek ti situasionda. Imbagak a dida agdanag ken dida mapmapan kadagiti delikado a lugar. Di nagbayag, binisita dagiti panglakayen dagiti kakabsat tapno patibkerenda ti espiritualidadda ken paregtaenda ida nga aggigimong kadagiti bassit a grupo.

Imbilin ti sanga nga opisina nga iyakarmi dagiti kakabsat nga aggigian kadagiti delikado a lugar. Imbagami dayta nga instruksion kadagiti pamilia. Maysa a brother ti saan a nagtulnog ket idi agangay, pinapatay ti armado a grupo dagiti tattao. Ngem saan a napapatay dagiti kakabsat a nagtulnog iti instruksion ti sanga nga opisina.